Partlayışda ittiham olunan “Azəriqaz” əməkdaşı cəzadan azad edildi

news/2025_04_15/mehkemeee_1744710768.jpg

CƏMİYYƏT

502

13.01.2026, 17:23

Naxçıvanda metan qazının yer altından evə sızması nəticəsində baş verən partlayışda vətəndaşın ölümü ilə bağlı təqsirləndirilən "Azəriqaz" İstehsalat Birliyinin əməkdaşı Samiq Quliyevə Amnistiya aktı şamil olunub.

Oxu24.com-a məlumatına görə, Naxçıvan Ali Məhkəməsində hakim Vüqar Quliyevin sədrliyi ilə keçirilən prosesdə birinci instansiya məhkəməsinin hökmü dəyişdirilib. Samiq Quliyevə Amnistiya aktının şamil olunduğu elan olunub və o, cəzadan azad edilib.

Xatırladaq ki, Naxçıvan MR Babək rayon Məhkəməsinin qərarı ilə Samiq Quliyev 2 il müddətinə azadlığın məhdudlaşdırılması cəzasına məhkum edilib.

Qeyd edək ki, hadisə 2024-cü ilin noyabr ayında baş verib.

Həmçinin oxuyun

Prezidentin gəlini onlarla kofe hazırladı - Fotolar

İlham Əliyevin Əbu-Dabidə Birləşmiş Ərəb Əmirliklərinin Prezidenti ilə görüşü olub

“Kupça”lı torpaqda “kupçasız” ev tikənlərə vəkildən XƏBƏRDARLIQ

Elçin Quliyevdən yeni ƏMR: General-mayora vəzifə verildi

Rayonun Cəhri qəsəbəsində yerləşən Rakif Cəfərova məxsus fərdi yaşayış evinin arxa divarından 1 metr məsafədə uzunmüddətli korroziya səbəbindən deşilmiş yeraltı metal qaz borusundan sızan metan qazı evə sızıb. Səhər saatlarında alışdırıcı maddənin təsirindən partlayış baş verib. Hadisə nəticəsində Rakif Cəfərov və oğlu Ramin Cəfərov xəsarət alıb.

Rakif Cəfərov müalicə üçün Bakıda xəstəxanaya yerləşdirilib və orada vəfat edib.

Ona qarşı Cinayət Məcəlləsinin 314.2-ci ( Səhlənkarlıq, eyni əməllər ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə ittiham irəli sürülüb.