İntizam komissiyasının tərkibi yenidən seçiləcək

news/2026_01_12/168978_696b75xfmz_1768208640.jpg

CƏMİYYƏT

443

12.01.2026, 13:02

Milli Məclisin İntizam komissiyasının tərkibinə yenidən baxılacaq.

Oxu24.com xəbər verir ki, Daxili nizamnaməyə əsasən hər il Milli Məclisin yaz sessiyasının birinci iclasında İntizam komissiyası yaradılır. İntizam komissiyası Milli Məclisin deputatları sırasından 1 il müddətinə 11 üzvdən ibarət tərkibdə seçilir. Seçildikdən sonra İntizam komissiyası öz üzvləri sırasından komissiyanın sədrini, sədr müavinini və katibini seçir.

Hazırda bu komissiyanın sədri deputat Eldar İbrahimov, sədr müavini isə Asim Mollazadədir. Komissiyada həmçinin Kamal Cəfərov, Afət Həsənova, Məlahət İbrahimqızı, Kamaləddin Qafarov, Səttar Möhbalıyev, Nəsib Məhəməliyev, Hikmət Məmmədov, Məşhur Məmmədov və Nizami Səfərov təmsil olunur.

Həmçinin oxuyun

Prezidentin gəlini onlarla kofe hazırladı - Fotolar

İlham Əliyevin Əbu-Dabidə Birləşmiş Ərəb Əmirliklərinin Prezidenti ilə görüşü olub

“Kupça”lı torpaqda “kupçasız” ev tikənlərə vəkildən XƏBƏRDARLIQ

Elçin Quliyevdən yeni ƏMR: General-mayora vəzifə verildi

Milli Məclis yanında fəaliyyət göstərən İntizam komissiyası deputatların etik davranış qaydalarına riayət olunmasına nəzarət edir və bu sahədə daxil olan müraciətlərə baxır. Komissiya etik normalarla bağlı deputatları məlumatlandırır, rəy və tövsiyələr verir, pozuntuların qarşısının alınması üçün tədbirlər görür və görülən işlər barədə Milli Məclisin sədrini məlumatlandırır.

Qeyd edək ki, VII çağırış Milli Məclisin deputatları ilə bağlı etik davranış qaydalarının pozulmasına dair İntizam komissiyası tərəfindən heç bir xəbərdarlıq, töhmət və ya digər intizam tədbiri tətbiq edilməyib. Komissiyaya bu məzmunlu rəsmi müraciətlərin daxil olmadığı, habelə araşdırma aparılmasını zəruri edən hallar qeydə alınmadığı bildirilir.