Qoç - Yaşam sizdən fərqli yanaşma, kreativlik tələb edir. Günün ilk yarısında başlayacağınız iş yaxşı gəlir verə bilər. İdeyalarınızı reallaşdırmağa başlayanda tələsməyin. Düşünülməmiş addımların fəsadları çox ağır ola bilər.
Günün ikinci yarısında işlərinizdə heç bir lüzum olmadan barrikadalar yaratmayın. Planlarınızı ciddiləşdirin. Əvvəlki yanlışlıq və səhvlərin fəsadlarını aradan qaldırarkən tələsin.
Praktikliklə yanaşı, keyfiyyətə fikir verin. İşinizdən mənəvi zövq almaqla yanaşı, gəlir əldə etməlisiniz. Yalnız özünüzü düşünməyin. Dəyər verdiyiniz insanların qayğısına qalın.
Buğa - Günün ilk yarısından etibarən fəal olun. Süst və ətalətli insan təsiri bağışlamayın. Məqsədə aparan yolda maneələrlə sədlərin sayı artacaq. Yeni problemlərin həllində var gücünüzlə çalışmaq məcburiyyətindəsiniz.
Mütəhərrik olun.
Günün ikinci yarısında işlərinizdə inadkar olun. Nailiyyətlər sizdən asılıdır. Səhhətinizin qayğısına qalın. Sağlam rasionu seçin.
Axşam saatlarında işgüzar aktivliyi pik həddinə çatdırmayın.
Şərait imkan verirsə, yeni layihənin startını ertələyin.
Əkizlər - Yeni məsələlərin və problemlərin həllinə başlamaq olar. İndiyədək həllini mümkünsüz saydığınız problemləri asanlıqla həll etmək olar. Oyun qaydalarına riayət edin, ənənəvi şərtlər çərçivələrindən kənara çıxmayın.
Günün ikinci yarısında hadisələrə təsir imkanlarına malik insanın yardımlarından bəhrələnin. Qeyri-adi layihəyə başlamaq, planları genişləndirmək olar. Fəaliyyətin seçilmiş variantına proses əsnasında dəyişikliklər etmək olar.
Axşam saatlarını ailə üzvlərinə həsr edin. Məişət qayğılarının çözülməsini ertələməyin.
Xərçəng - Qarşınıza qoyduğunuz məqsədləri dəqiqləşdirin. Fəaliyyət sahəsindəki bəzi məqamları dəyişmək gərəkdir. İş yerindəki problemləri rəhbərliklə müzakirə etmək olar. Karyeranızı inkişaf etdirmək, mövqelərinizi möhkəmləndirmək üçün daha fəal çalışın.
Günün ikinci yarısında statusunuzu düşünün. Pulu kollektiv fəaliyyət vasitəsilə, birgə əməklə qazanmaq daha asandır. Yeni, nabələd olduğunuz marşrutda qısamüddətli işgüzar səfəri təxirə salın.
Axşam saatlarında evdən çox uzağa yollanmayın.
Şir - Günün ilk yarısından etibarən vaxtdan maksimal istifadə etməyə çalışın. Uzaq səfərlə bağlı təklif ala bilərsiniz. Sənədləşdirmədə, hesablarda, ünsiyyətdə diqqətli olun. Məhkəmə iddiasının formalaşmasına yol verməyin.
Günün ikinci yarısında fikrinizi bildirməkdən çəkinməyin. Dediklərinizin arqumentləri olmalıdır. Axşam saatlarında alış-verişdə bədxərclik etməyin.
Maliyyə durumunuzu realistcəsinə dəyərləndirin.
Rasionunuza fikir verin.
Qız - Hazırlıq işləri, taktika və strategiyanın yenilənməsi üçün əlverişli zamandır. Yeni layihəyə başlayırsınızsa, enerjili olun. Biliklərinizdən, əlaqələrinizdən faydalanın. Ən ciddi, ağır problemlərdən birini həll edə biləcəksiniz.
Günün ikinci yarısında peşəkar bacarıqlarınızı artırın. Bir qədər istirahət edin, dincəlin. Fanatikcəsinə çalışmağın özündə zərər var. Mənasız qorxular və əsassız əndişələrə qapılaraq mövqelərinizdən geri çəkilməyin.
Axşam saatlarında normal istirahət etməyə çalışın.
Tərəzi - Düşünlmüş riskə ehtiyac duyulur. Yeni tərəfdaşı və ya şəriki düşünülmüş şəkildə seçin. İllüziyalara qapılmayın. Təhlükəsizliklə bağlı məsələləri tam razılaşdırmamış irəliləməyə çalışmayın. Ətrafınızdakı insanların nələrə can atdıqlarına fikir verin.
Günün ikinci yarısı gəlirlərinizi artıra biləcək layihələr üçün münasib zamandır. Böhran menecmentinin nə olduğunu anlamaq pis olmazdı. Dəyər verdiyiniz insanlarla təmaslarda mövqelərinizdən geri çəkilməyin.
Axşam saatlarında bədxərclik etməyin. Səhhətinizə fikir verin.
Əqrəb - Məqsədə doğru hərəkətdə yeni mərhələdir. Taktikanızı dəyişin, daha çevik və qıvraq olun. Əməkdaşlıq etdiyiniz insanların maraqlarını nəzərə alın. Resurslar, gəlirlər, işin paylaşdırılması ilə bağlı məsələləri vaxtında həll edin.
Günün ikinci yarısında qətiyyətli və inadkar olmaqla yanaşı, diplomat təki davranın. Münasibətləri gərginləşdirməyin. Tərəfdaşlarla fəaliyyəti rəqabətə döndərməyin. Birgə fəaliyyət rəqibləri üstələməyə, onları geridə qoymağa imkan verəcək.
Oxatan - Qarğaşalı, tələsik, qarışıq, "qəza"lı və qadalı gündür. Hərəkətlərinizi məhdudlaşdırın, insanların gur olduğu yerlərdə olmamağa çalışın.
Ətrafınızdakı insanlarla münasibətlərdə gərginlik hiss olunacaq.
Karmik düyünlər yaranacaq, önəmli münasibətlərdə sizə indiyədək qaranlıq qalan məqamlar aşkarlanacaq.
Qərar qəbul etməkdə gecikməyin, amma tərəfdaşlarınızın və ailə üzvlərinizin reaksiyalarına diqqət yetirin. İmpulsiv hərəkətlər etməyin.
Yeni iş və maraq istisna deyil. Səfərdə ehtiyatlı olun. Evdəki bütün təmir işlərini təxirə salın. Elektrik işləri görməyin.
Oğlaq - İşlərdə yeni səviyyəyə keçid üçün əlverişli zamandır. Peşəkar fəaliyyət müstəvisində problemlərin həllinə yaradıcı yanaşsanız, inkişaf sürətli olacaq. Yaşamla bahəm, işlərdə innovasiyalara zərurət duyulur.
Bununla belə, fərqli sahədə çalışmağa tələsməyin. Mənasız və əsassız illüziyalara qapılmayın.
Günün ikinci yarısında hər şeyə dərhal nail olmaq fikrinə düşməyin. İrəliləyiş zəhmət və vaxt tələb edir. Hisslər burulğanına düşərək eyforiya qurbanı olmayın. Emosiyalarınıza tam nəzarət edin.
Dolça - Fəaliyyətinizi intensivləşdirmək üçün zəruri maddi bazanı genişləndirin. Yeni layihənin maliyyələşdirilməsi, daşınmaz əmlakın alınması və ya satılması əməliyyatı ilə bağlı məsələlərdə tələskənliyə yol verməyin. Qərarlarınızda sadəlövhlük etməyin. Yaxın ətrafınızdakı insanlarla münasibətləriniz sınağa çəkiləcək.
Günün ikinci yarısında yeni tanışla təmaslarda bir sıra məqamların təhlilinə ehtiyac var. Ünsiyyətdə ənənəvi çərçivələrdən kənara çıxmayın. Unutmayın ki, dialoq zamanı söz azadlığı həm də fikrinizi aydın, arqumentləşdirilmiş şəkildə qarşı tərəfə çatdırılmasını tələb edir.
Balıqlar - Fəaliyyət müstəvisində birbaşa məsul olduğunuz işləri başa vurun. Başqalarının yerinə yetirməli olduğu işlərə müdaxilə etməyin. Enerjinizi gərəkli istiqamətə yönəldin. Peşəkarlığınızı artırın, bilik və təcrübənizi zənginləşdirin.
Günün ikinci yarısında planlarda zəruri dəyişikliklər edin. Maliyyə vəsaitinizin hərəkətini diqqətdə saxlayın. İnformasiya çox dəyərli resursdur. Yeni sifarişi yerinə yetirmək üçün əlavə, dəqiqləşdirici məlumatlara ehtiyacınız var.
Axşam saatlarına yaxın peşəkar insandan məsləhət alacaqsınız. Oxu24.com