Ölüm halları niyə artıb? - Günahkar özümüzük?  

Ötən ilin sonunda Dövlət Statistika Komitəsi məlumat yaydı ki, 2025-ci ilin on ayı ərzində ölkədə 49846 ölüm halı qeydə alınıb. 

Statistikaya nəzər salsaq, ölkədə 2024-cü ildə  58 909, 2023-cü ildə isə  60150 ölüm halı qeydə alınıb.

 Epidemiyaları, savaş , təbii fəlakət və gözlənilməz qəzaların qurbanlarını nəzərə almasaq ,    insan ölümlərinin bir çox  səbəbləri var.

1. Xroniki  və uzunsürən xəstəliklər- ən yayğın olan ürək-damar və onkoloji xəstəliklər, daha dəqiq, ürək  çatışmazlığı, xərçəng, təzyiq, şəkər, beyin qanaması və.s.  2024-cü ildə isə 33 min 289 nəfər qan dövranı sistemi xəstəliklərinin qurbanı olub. 

Həmçinin oxuyun

Əliyev hər şeyi Pezeşkianın bircə zənginə qurban etdi... 

Məcburi evlilik cəhdi cinayət sayılır – Hüquqşünasdan AÇIQLAMA  

Qədr gecəsi oxunması tövsiyə  olunan dualar   -TƏRCÜMƏSİ İLƏ

Bayram süfrəsi neçəyə başa gəlir?   —  ARAŞDIRMA

2. Yol-nəqliyyat hadisələrinə əsrin bəlası da demək mümkündür. Təsəvvür edin ki, 2025-ci ilin yanvar-sentyabr aylarında baş verən  905 yol-nəqliyyat hadisəsində  507 nəfər həlak olub, 757 nəfər isə yaralanıb.

  Sonrakı sıralamalarda  dəm qazındans ucuz və keyfiyyətsiz qidalardan zəhərlənmə, cinayət hadisələrindən,  səhlənkarlıqdan və s. xırda qəzalarda alınan travmalardan,  intihardan,  qocalıqdan və başqa səbəblərdən ölüm halları çoxalıb.

 2026-cı ilin  son 8 günü də ölümsüz və itkisiz keçməyib.  Bayram günlərində 6 nəfər  yangın zamanı 8 nəfər isə yol qəzasında ölüb. Yeni ilin  ilk iş həftəsinin ilk günündə ölüm siyahısı belədir  

           5 yanvar

1 Siyəzəndə 55 yaşlı kişi işlədiyi marketdə öldü

2.Cəlilabadda 77 yaşlı qadın evdə sobanı yandırmaq istəyərkən öldü 

3.Bakıda əyləncə mərkəzində 18 yaşlı gənc öldü

4.Salyanda 11 yaşlı uşaq iynədən şoka düşərək ölüb.

5.Salyanda baş verən yol qəzasında 3 nəfər öldü. 

 digər günlər də eyni qayda  ölüm halları ilə diqqətimizi çəkir. 

Epdemiya, təbii fəlakət və kütləvi qəzadan heç kim sığortalı deyil, amma hər kəs həyatı üçün təhlükə törədəcək  addımlar atmasa, ölüm statistikası da bu qədər yüksək olmaz!Avtomobilinizin sürətini artırmayın, vaxtında həkimə müraciət edin, canınızı savadlı həkimlərə tapşırın, yanğın zamanı əşyalarınızı deyil canınızı qoruyun.

 Oxucularımıza isə   diqqətli, müdrik, səriştəli, səbrli olmağı diləyirik.

 Əntiqə Rəşid