TƏCİLİ: Azərbaycanda yas mərasimləri yığışdırılacaq?

2026-cı ildə Azərbaycanda yas mərasimlərində ehsan verilməsinin qadağan edilməsi məsələsi yenidən gündəmə gəlib. Maraqlıdır, 2026-cı ildə Azərbaycanda yaslarda ehsan verilməsinin qadağan edilməsi mümkündürmü?

Oxu24.com xəbər verir ki mövzu ilə bağlı KONKRET.az-a açıqlama verən ilahiyyatçı Elvüsal Məmmədov bildirib ki, hazırkı proseslər fonunda hər hansı rəsmi qadağanın tətbiqi real görünmür.

İlahiyyatçı qeyd edib ki, indiyədək aparılan müzakirələr qadağadan daha çox maarifləndirmə və tövsiyə xarakteri daşıyır:

“Fikrimcə, indiyə qədər gedən proseslərdə hansısa qadağanın şahidi olmuruq. Daha çox məsləhətləşmələr aparılır, maarifləndirici işlər görülür. Yas mərasimlərinin təşkili ilə bağlı dinin həqiqi mövqeyi insanlara izah olunur”.

Hökumət Azərbaycan xalqının dini iradəsini təsdiqləyir - Elvüsal Məmmədov |  Hafta.az

Elvüsal Məmmədovun sözlərinə görə, bu maarifləndirmə nəticəsində artıq bir çox kənd və rayonlarda, ağsaqqalların da ümumi razılığı ilə yas mərasimlərində əvvəlki ənənələr tədricən aradan qalxır:

“Görürük ki, indiyə qədər mövcud olan bəzi ənənələr artıq yas mərasimlərində tətbiq olunmur. Təbii ki, bunu istəməyənlər də var. Yaslarda yemək verilməsinin qadağan edilməsinə qarşı çıxan şəxslər arasında çox zaman maddi maraq güdənlər də olur”.

Həmçinin oxuyun

Kamran Əliyev ƏMR İMZALADI: Yeni hərbi prokuror KİMDİR?

Nazirlər Kabineti bu qərarda DƏYİŞİKLİK EDİB

Bu xanıma yüksək VƏZİFƏ VERİLDİ

Efir mühəndisi Səidə Bəkirqızı özünü jurnalist bilirsə, prodüsser Tolik niyə aparıcı olmasın?    

İlahiyyatçı vurğulayıb ki, din xadimlərinin əsas məqsədi yas mərasimlərində qidalanma deyil, mərhumun ailəsinə mənəvi dəstək göstərməkdir:

“Əgər bizim məqsədimiz insanları maarifləndirmək, vəfat etmiş şəxslə bağlı dinin mövqeyini izah etmək və ona dua etməkdirsə, yeməyin verilməməsi bizi narahat etməməlidir. Din xadiminin vəzifəsi kədər içində olan ailənin yanında olmaq, düzgün dəfn qaydalarının təmininə töhfə verməkdir”.

Elvüsal Məmmədov əlavə edib ki, bu yanaşma cəmiyyətdə din xadimi ilə bağlı formalaşmış bəzi stereotiplərin də dəyişməsinə səbəb ola bilər:

“Biz elə etməliyik ki, yaslarda yalnız qidalanma ilə gündəmə gələn din xadimi obrazı yaddaşlardan silinsin və daha mütərəqqi, maarifçi din xadimi modeli formalaşsın”.

Qeyd edək ki, son illər Azərbaycanda yas mərasimlərinin sadələşdirilməsi ilə bağlı ictimai müzakirələr intensivləşib və bir çox bölgələrdə bu istiqamətdə könüllü təşəbbüslər həyata keçirilir.