Toyuq əti alanlara VACİB XƏBƏR!   —   Ətə vurulan sintetik boyanın tərkibi nədir?

Dana, qoyun, quzu ətinin qiyməti baha olduğu üçün insanlar arasında toyuq ətinə daha çox üstünlük verildiyi məlumdur.

 Oxu24.com xəbər verir ki, toyuq ətinə tələbat artdıqca  bəzi işbazların da ağlına gələn bəd əməllər dövriyyəyə girir. 

Beləki, Abşeron rayonu, Xırdalan şəhəri, M.Müşfiq küçəsi, ev 3 ünvanında fiziki şəxs Salahov Şahin Salam oğluna məxsus quş kəsimi sexinin fəaliyyəti məhdudlaşdırılıb.

Deməli, bu ünvanda qanunsuz fəaliyyət göstərən quş kəsimi sexində toyuq məhsullarından götürülmüş nümunələr laborator sınağa götürülüb və “kənd toyuğu” təəssüratı yaratmaq məqsədilə toyuqların Tartrazin (E102) qida əlavəsindən istifadə edilərək sarı rəngə boyadıldığı aşkarlanıb.

Təbii ki, qanun pozuntusu dövlət orqanları tərəfindən nəzarətə götürülüb. Qanunu pozan da cəzasını alacaq.

Ama gəlin görək bu Tartrazin (E102) nədir?

 Tartrazin dərman və kosmetik vasitələrdə, eləcə də bəzi qida məhsullarında istifadə olunan sintetik sarı boyadır, insanlarda həssaslıq və allergiya kimi yan təsirlərə malikdir.

 Əslində bu ilk hadisə deyil, illər öncə Hövsan qəsəbəsinin Hövsankənd ərazisində qeyri-qanuni fəaliyyət göstərən buna bənzər bir obyekt aşkar olunmuşdu və haqqında ölşü götürülmüşdü.

Həmçinin oxuyun

Azərbaycan 2026-cı ildə buna hazırlaşır: Rəsmi şəxs PLANLARI AÇIQLADI

Bu müəllimlərin qiymətləndirilməsi qaydası dəyişir   —  Ekspert yeniliyi AÇIQLADI

Ali təhsil aldığı müddət ərzində uşaq  aliment tələb edə bilərmi?

Bank borcu və maaşın 50 faizi: bu qanunidirmi?  

Amma toyuq ətinə müdaxilə bununla bitmir

 Bəzi mənbələrin verdiyi məlumatlara görə, toyuq ətinə kimyəvi müdaxilə hələ inkubasion dövrdə başlayır. Yumurtaları xüsusi defizinfektantlarla işləyirlər. Cücələri isə vaksin və antibiotiklərlə yetişdirirlər.Vaksinasiya cücələri xəstəliklərdən qorumaq üçündür. Bu metod kütləvi aparılır. Sexdə aerozolla səpilir və ya suya dərman qatılır.

Əslində bütün vaksinlər insan və heyvanlar üçün təhlükəsizdir və sertifikatı olmalıdır. Lakin təhlükə ondadır ki, vaksin üçün keyfiyyətsiz, ucuz preparatlar seçilir, toyuqlar immunizasiyaya hazırlanmır.

Artıq düzgün olmayan vaksinasiyadan keçmiş toyuğun əti keyfiyyətsiz  olur. Antibiotiklər isə toyuqları sağ-salamat yetişdirmək üçün lazımdır. Ona görə toyuqlara kurs şəklində antibiotiklər verilir. Antibiotikli ətin isə insan orqanizminə fəsadları çoxdur:

-İnsanın qaraciyər, böyrək, həzm orqanlarını zədələyir, işini pozur

-Allergik insanlarda kəskin reaksiyalar verir

-Amma ən pisi hər dəfə toyuq əti yedikcə insan müəyyən miqdar antibiotik dozası alır. Bu da insanda antibiotiklərə qarşı davamlılıq yaradır. Yəni birdən insan bronxit və ya pnevmoniya olsa, ona toyuqlara verilən antibiotik növlərində dərmanlar təsir etməyəcək.

-Toyuqların yemi: burda zəhərli pestisidlərdən tutmuş qadın hormonu estrogenlərə kimi hər şey qatılır. Bunlar hamısı toyuğun sürətlə çəki yığması üçündür.

-Toyuq filesi çox yeyən qadınlarda bu səbəbdən hormonal disbalans, menstruasiya pozğunluğu, sonsuzluq yarana bilər.

-Hormonal qatqılar immuniteti çökdürür, dəridə səpkilər yaradır, uşaqlarda isə cinsi yetişlənlik inkişafdan qalır.

Mütəxəssislər həm də iddia edir ki, broylerdə istifadə olunan yemin tərkibi geni dəyişdirilmiş orqanizmlərdən ibarət olduğu üçün toyuqlar 45 gün ərzində yetişdirilir və artıq 46 gün kəsilməyən toyuqlar öz-özlüyündə ölür.

Bütün dünyada, eləcə də qabaqcıl Avropa ölkələrində broyler təssərrüfatında istifadə edilən yemlərin tərkibinə çoxlu sayda dərman vurulur. Hətta bu dərman sayının 59 olduğu bildirilir. 2002-ci ildə BMT-nin qəbul etdiyi Karfagen Biogüvənlik Protokolu dərmanlardan kütləvi şəkildə istifadəni qadağan edir. Standartlara görə, ətlik toyuqlar kəsimə gedəcəksə, 7 gün əvvəl antibiotik və dərmanlı qidaların verilməsi dayandırılmalıdır.

 Əntiqə Rəşid