Məktəblər bağlana, dərslər təxirə salına bilər - "Hazırda..."

2025/02/11/1739265145_1637826435_sinif_-_mekteb_2.jpg

CƏMİYYƏT

3079

03.01.2026, 10:44

Qarlı və şaxtalı hava şəraitinin hökm sürdüyü günlərdə valideynləri və şagirdləri ən çox narahat edən məsələlərdən biri də məktəblərdə dərslərin taleyidir.

Yolların buz bağlaması fonunda dərslərin gec başlanması və ya təxirə salınması mümkün ola bilərmi?

Oxu24.com xəbər verir ki, mövzu ilə bağlı konkret.az-a danışan təhsil eksperti Ramin Nurəliyev bildirib ki, hazırkı hava şəraiti ilə əlaqədar yolların buz bağlama ehtimalı yüksək deyil və bu səbəbdən dərslərin gec başlanmasına və ya təxirə salınmasına ehtiyac yoxdur.

Onun sözlərinə görə, yalnız ciddi qar yağışı və ya yolların buz bağlaması halında Elm və Təhsil Nazirliyi tərəfindən müvafiq qərar qəbul olunur:

"Belə vəziyyətlərdə dərslərin gec başlanması, təxirə salınması və ya başqa tarixlə əvəzlənməsi zərurəti yarana bilər. Hazırda isə hava şəraiti buna əsas vermir".

Həmçinin oxuyun

Baş nazirdən pensiyalarla bağlı QƏRAR: Dəyişən nədir?

"Bu gün babamla xizək sürdük" - Prezidentin nəvəsindən PAYLAŞIM

Rusiyanın böyük işğalı: Cavad xanın ölümü, xanlıqların süqutu, güc və xəyanət...

Venesuela-ABŞ gərginliyinin İLGİNC SƏBƏBLƏRİ: Azərbaycana təsiri ola bilərmi? — Politoloqla MÜSAHİBƏ

Ekspert qeyd edib ki, kəskin şaxta və buzlu hava şəraitində şagirdlərin və müəllimlərin sürüşmə riski artır, bu da insan həyatı üçün təhlükə yarada bilər. Məhz bu səbəbdən hər il olduğu kimi, bu il də hava şəraiti kəskinləşərsə, müvafiq tədbirlərin görülməsi qaçılmazdır.

Ramin Nurəliyev vurğulayıb ki, ehtiyac yaranacağı təqdirdə məktəblərin 3-4 gün müddətinə tətilə buraxılması, dərslərin 1-2 saat gec başlanması və ya müəyyən dərslərin ləğv edilməsi mümkündür.

"Xüsusilə, dağ kəndlərində yollar buz bağlayarsa və gediş-gəliş mümkün olmazsa, həmin ərazilərdə tədris prosesinin dayandırılması mütləq həyata keçirilməlidir", - deyə o, əlavə edib.