ŞAD XƏBƏR: Bu şəxslər 5 il tez təqaüdə çıxacaqlar 

Azərbaycanda ailə siyasətinə və sosial müdafiəyə dair qanunvericilikdə analar üçün xüsusi güzəştlər nəzərdə tutulub.

Xüsusilə 5 və daha çox uşağı olan analar əmək fəaliyyəti zamanı müəyyən şərtlər ödənildikdə pensiyaya 5 il əvvəl çıxmaq hüququ qazanırlar.

Bu güzəşt ailələrin sosial müdafiəsini gücləndirmək, çoxuşaqlı ailələrin vəziyyətini yaxşılaşdırmaq və qadınların əmək hüquqlarını qorumaq məqsədilə tətbiq edilir.

Oxu24.com  xəbər verir ki, mövzu ilə bağlı ekspert, pensiya və sosial təminat sahəsi üzrə mütəxəssis Fərid Quliyev bildirib ki, bu hüquq “Sığortaedilənlərin pensiya təminatı haqqında” qanun və müvafiq Nazirlər Kabineti qərarları ilə tənzimlənir:

“Qanuna əsasən, 5 və daha çox uşağı olan qadınlar müəyyən yaşa çatdıqda və yetərli iş stajı olduqda, pensiyaya çıxmaq üçün müəyyən edilmiş normal pensiya yaşından 5 il tez çıxmaq imkanı qazanırlar. Bu güzəşt yalnız qanunvericilikdə göstərilmiş şərtləri ödəyənlərə aiddir və stajın minimum tələbləri yerinə yetirilməlidir. Əgər şərtlər tam icra olunubsa, qadın müvafiq sosial müdafiə orqanına müraciət edərək erkən pensiya hüququnu təsdiq etdirə bilər”.

Ekspert vurğulayıb ki, çoxuşaqlı anaların erkən pensiyaya çıxması təkcə maddi deyil, həm də sosial əhəmiyyət daşıyır:

Həmçinin oxuyun

Şad xəbər:Mühüm qərar verilib -  2027-ci ilin əvvəlinədək...

İqtisadçı şad xəbəri AÇIQLADI:"Xərclər azalır,3 istiqamətdə xeyirli OLACAQ"

Valideynləri bacı-qardaş idilər,özü də bacısı qızı ilə evlənmişdi    —  Lənətlənmiş fironun HƏYATI

Çıxarışsız evi olanlara ŞAD XƏBƏR! 30 il həmin evdə yaşamısınızsa...

“Bu güzəşt qadınların həyat keyfiyyətini artırır, çoxuşaqlı ailələr üçün əlavə sosial dəstək rolunu oynayır. Eyni zamanda, əmək bazarında qadınların uzun illər işləmək zərurətini azaldır, onlara ailə ilə balans yaratmaq imkanı verir”.

Fərid Quliyev əlavə edib ki, pensiyaya erkən çıxmaq hüququ yalnız qanuni öhdəlikləri yerinə yetirən və uşaqlarının doğum haqqında sənədləri düzgün təqdim edən analara aiddir.

“Əgər sənədlər tam deyilsə və ya iş stajı yetərli deyilsə, erkən pensiya hüququ tanınmır. Burada şərtlərin düzgün tətbiqi və sənədlərin tam təqdim olunması vacibdir”, – deyə ekspert yekunlaşdırıb.

NOCOMMENT.az