Azərbaycanda minlərlə insan bayramdan imtina etdi 

Yeni il gecəsi Azərbaycanda minlərlə evdə işıqlar sönmür, süfrələr açılır, saatlar 00:00-ı gözləyir. Amma bu gecə hamı üçün bayram deyil. Hər il olduğu kimi, bu il də minlərlə azərbaycanlı Yeni ili ailəsinin yanında yox, iş başında qarşılayır. Onlar üçün bayram gecəsi məsuliyyət, növbə və xidmət deməkdir.

Ölkə.Az xəbər verir ki, xəstəxanalarda həkimlər, tibb bacıları və təcili tibbi yardım briqadaları fasiləsiz rejimdə çalışır. Yeni il gecəsi yol-nəqliyyat hadisələri, qəfil səhhət problemləri və fövqəladə hallar artdığı üçün səhiyyə sistemi tam gücü ilə işləyir. Bir çox həkim üçün saat 00:00-da tost qaldırmaq yox, xəstənin vəziyyətini stabilləşdirmək əsas prioritet olur.

Eyni saatlarda polis əməkdaşları paytaxtdan bölgələrə qədər küçələrdə, meydanlarda və magistral yollarda asayişi qoruyur. Bayram şənliklərinin təhlükəsiz keçməsi, kütləvi toplaşmalarda insidentlərin qarşısının alınması məhz onların üzərinə düşür. Postlarda, patrul maşınlarında və xidmət otaqlarında Yeni il sükutla qarşılanır.

Azərbaycan dəmir yollarında, hava limanlarında və avtovağzallarda da həyat dayanmir. Qatar maşinistləri, dispetçerlər, konduktorlar, stansiya növbətçiləri və texniki heyət minlərlə sərnişinin bayram günlərində təhlükəsiz şəkildə mənzil başına çatması üçün çalışır. Bir çoxları üçün Yeni il gecəsi relslərin üzərində, növbə cədvəlinə uyğun keçir.

Həmçinin oxuyun

Ad, soyad dəyişdirilsə,KREDİT borcu ləğv oluna bilər? – Hüquqşünasdan AÇIQLAMA  

İranın hansı ehtiyatları var? – Statistik məlumatlar  

İran məktəbi vurmaq istəyibmiş   —  Azərbaycan rəsmən AÇIQLADI

Baş Prokurorluq təcili AÇIQLAMA YAYDI

Enerji, qaz, su və rabitə sahəsində çalışan növbətçi briqadalar da bu siyahının görünməyən qəhrəmanlarıdır. İşığın sönməməsi, istiliyin kəsilməməsi, əlaqənin davam etməsi üçün bayram gecəsi belə fövqəladə çağırışlara hazır vəziyyətdə olurlar. Güc strukturlarında, hərbidə və bu kimi bilinməyən yerlərdə iş başında olanlarda bayramı qeyd etməyənlər sırasındadırlar.

Dünyanın hər yerində olduğu kimi, Azərbaycanda da bayram gecəsi minlərlə insan cəmiyyətin fasiləsiz işləməsi üçün ailəsindən uzaq qalır.