Quru sərhədlər bu tarixdən AÇILA BİLƏR - AÇIQLAMA 

Quru sərhədlərlə bağlı məsələ yenidən gündəmə gəlib. Sosial şəbəkədə gedən müzakirələrə qoşulanların bir qismi quru sərhədlərin açılmalı olduğunu deyir, digərləri isə təhlükəsizliklə bağlı düşünərək, tələsik qərar verilməməli olduğunu bildirirlər.

Qeyd edək ki, koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2026-cı il 1 aprel saat 06:00-dək uzadılıb. Nazirlər Kabineti bu barədə qərar verib.

Oxu24.com  xəbər verir ki, modern.az-a açıqlamasında Milli Məclisin komitə sədri Tahir Rzayev bildirib ki, sərhədlərin açılması dövlət əhəmiyyətli məsələdir:

“Sözsüz ki, hakimiyyət dairələri bu məsələ barədə çox ciddi düşünürlər. Və bu gün sərhədlərin bağlı olması bilavasitə Azərbaycan xalqının təhlükəsizliyi üçün vacibdir. Dünyada gedən müharibələr, terror hadisələri, casusluq fəaliyyəti hələ ki sərhədlərin bağlı saxlanılmasını zərurətə çevirib. Çünki miqrasiya məsələləri, ölkələrə qarşı təxribatlar, yoluxucu xətəliklərin yayılması əsas verir ki, müəyyən müddətə hələ də sərhədlərimiz bağlı saxlanılsın. Bu, düşünülmüş bir gedişdir. Ola bilsin ki, bəzi insanlar bu məsələnin vacibliyini, əhəmiyyətini dərindən dərk edə bilmirlər və xoşagəlməz fikirlər səsləndirirlər”.

Amma komitə sədri onu da vurğulayıb ki, sərhədlərin bağlanması müəyyən ticarət alış-veriş əlaqələrinə mənfi təsir göstərir:

Həmçinin oxuyun

Azərbaycanın ən qocaman generalı: 90 yaşını qeyd edir   — 7 nazir və 3 baş prokurorla işləyib

Vəfat etmiş şəxsin pensiyasını bu halda almaq MÜMKÜN OLACAQ 

Prezident Şamaxı ilə bağlı bu xəbəri AÇIQLADI

ŞAD XƏBƏR! Prezident yeni kompleksin açılışını etdi: Qazanc yeri və istehsalat OLACAQ

“Ancaq milli təhlükəsizliyimiz insanların müəyyən bəlalardan, terrordan qorunması dövlət üçün daha vacib hesab edilir. Ona görə də, bu məsələ müvafiq orqanlar tərəfindən çox ciddi araşdırılır, ətrafda nələrin vacib olduğu, nələrin qəbul edilib-edilməməsi real faktlarla gündəmə gətirilir. Müəyyən qabaqlayıcı tədbirlərin görülməsi həyata keçirilir. Bu dövlətin, xalqın xeyrinədir, hər kəs də belə qiymətləndirməlidir. İndi gələn il sərhədlərin açılması üçün şərtlərin meydana gəlməsi halında məsələyə baxıla bilər. İndidən isə nəsə demək düzgün deyil”.

Milli Məclisin İqtisadi siyasət, sənaye və sahibkarlıq komitəsinin sədr müavini Azər Badamov deyib gələn il quru sərhədlərin açılmasına ehtimallar var:

“Hesab edirəm ki, quru sərhədlərin hələ də bağlı qalmasının səbəbi regionda baş verən hadisələrlə bağlıdır. Həm də quru sərhədlərin açılması ilə bağlı qərarı Baş nazir verir. Gələn il də quru sərhədlərin açılması məsələsi məqbul hesab olunarsa, təbii ki, belə bir qərar verilə bilər. Ehtimallar isə həmişə var”.