Tərtər rayonunda elektrik dirəkləri və naqilləri bərbad vəziyyətdədir

CƏMİYYƏT

491

31.12.2025, 09:58

Tərtər rayon Hacıqərvənd kəndinin 20 Yanvar küçələrində elektrik dirəkləri və naqilləri bərbad vəziyyətdədir.

Oxu24.com xəbər verir ki, kənd sakinlərin sözlərinə görə, kəndlərdə elektrik dirəkləri köhnə olduğundan naqillər tez-tez qırılır və onları bərpa etmək təhlükəli hal alır:

“Bu dirəklər gördüyünüz kimi çürüyüb, yararsız hala düşüblər. Elektrik naqilləri bir az külək olan kimi bir-birinə dolaşır, saatlarca işıqsız qalırıq. Uzun illərdir quraşdırılan beton dirəklər artıq istismar müddətini başa vurub. Yağışın, qarın təsirindən ovulub tökülən dirək iki armaturun hesabına dayanıb. Ən dəhşətlisi isə təhlükəli halda olan dirəyə elektrik xətlərinin bərkidilməsidir.

Ani güclü külək və ya xoşagəlməz hadisə təsirindən dirək hər an aşa və bədbəxt hadisə baş verə bilər. “Azərişıq” ASC-yə müraciət edirik, müraciətimizə baxan olmur.”

Mövzu ilə bağlı Oxu24.com-un əməkdaşı Tərtər Elektrik Şəbəkəsinin müdiri Vilayət Qafarovla əlaqə saxlayıb. O,suallara cavab verməkdən imtina edib.

Həmçinin oxuyun

Quşlar niyə kütləvi şəkildə tələf olurlar? — Ekoloqdan ŞOK AÇIQLAMA

Prezident yeni FƏRMAN İMZALADI:Ədliyyə Nazirliyi və Mərkəzi Banka...

Pul "atmağın" və dələduzluğun cəzası nədir? — Vəkil incə məqamları AÇIQLADI

Xəzər Universitetinin qurucusu Hamlet İsaxanlının həyat yolu — Maraqlı FAKTLAR

Tərtər Rayon İcra Hakimiyyətindən verilən məlumata görə, əraziyə ötən ilin oktyabr ayından 12 elektrik dirəkləri quraşdırılıb.

"Həmin ərazidə yaşayan bir vətəndaşımız 2024-cü ilin oktyabr ayından hərbi xidmətdə olduğuna və açılışda olmayacağına görə kabel xətlərinin çəkilişinə fasilə verilmişdir. Yaxın günlərdə həmin ərazidə kabel xətlərinin çəkilişi başa çatacaq",-deyə açıqlamada qeyd olunub.

"Azərişıq" ASC-nin mətbuat xidmətindən verilən məlumata görə məsələ nəzarətə götürülüb yaxın günlərdə bu məsələ öz həllini tapacaq.