Etibar Pirverdiyev milyonluq tenderə QATILDI 

Rumıniyanın dövlət şirkəti "Hidroelectrica" 1982-ci ildə istismara verilmiş Bredişor Su Elektrik Stansiyasının (SES) genişmiqyaslı modernizasiyası ilə bağlı tender elan edib.

Oxu24.com   Haqqin.az-a istinadən xəbər verir ki, işlərin icrası üçün əsas üç iddiaçı arasında keçmiş “Azərenerji” rəhbəri Etibar Pirverdiyevlə əlaqələndirilən "Azenco" şirkətinin də yer aldığı konsorsium da var.

Rumıniya KİV-lərinin məlumatına görə, layihə üzrə investisiyanın ilkin dəyəri 106 milyon avro həcmində qiymətləndirilir.

SES-in modernizasiyası ilə bağlı ilk tender 2022-ci ildə elan edilib. Həmin vaxt layihənin dəyəri 36 milyon avro olaraq müəyyənləşdirilmişdi. Lakin bu məbləğə rekonstruksiya aparmağa hazır podratçı tapılmadığından müsabiqə ləğv olunub. 2023-cü ildə Rumıniyanın dövlət şirkəti smetanı yenidən nəzərdən keçirərək onu 86 milyon avroya qaldırsa da, bu qiymət də potensial icraçıların marağına səbəb olmayıb. 2024-cü ilin payızında elan olunan üçüncü tenderdə isə layihənin başlanğıc dəyəri artıq 106 milyon avronu ötüb.

Modernizasiya çərçivəsində Hidroelectrica Bredişor SES-in istismar müddətini ən azı 30 il uzatmağı, həmçinin stansiyanın 115 meqavat layihə gücündə sabit fəaliyyətini təmin etməyi planlaşdırır.

Həmçinin oxuyun

Sosial müavinətlər və veteran pulları da artacaq?

Qolunda "mil" olan gəncin hərbi xidmətə çağırılması ilə bağlı xəbərə RƏSMİ AÇIQLAMA + HÜQUQŞÜNAS MÖVQEYİ  

"Azəriqaz" öz səhvini vətəndaşın boynuna atdı: Qarlı havada körpəsi olan imkansız ailəni qazsız qoydu  +VİDEO

Artımlarla birgə fevralın pensiyaları bu tarixdə veriləcək - Dəqiq gün məlum oldu 

Tenderdə iştirak üçün üç müraciət daxil olub. Birinci müraciət İsrailin 1979-cu ildə yaradılmış və ölkənin ən böyük mühəndis şirkətlərindən biri olan Baran Group-a daxil Baran Israel Ltd. şirkətinin rəhbərlik etdiyi konsorsium tərəfindən təqdim edilib. Bu layihədə subpodratçı qismində Enevo Group-a daxil olan rumın şirkətləri, East European Business Center konserni, bu yaxınlarda Fransanın Vinci holdinqi tərəfindən satın alınmış Energobit Cluj şirkəti, eləcə də turbin və generator istehsalı üzrə ixtisaslaşan Ukraynanın dövlət şirkəti Ukrainian Energy Machines çıxış edir.

İkinci təklif Rumıniyanın Electromontaj şirkəti ilə Xorvatiyanın Končar Electrical Industry şirkətinin yaratdığı assosiasiyadan daxil olub. Bu konsorsiumda subpodratçı rolunu Rumıniyanın Butan Grup şirkəti oynayır.

Üçüncü iddiaçı isə rumıniyalı məsləhətçi şirkət Best Achiziții SRL (sahibi Mihaela Neagu) və Azərbaycanın mühəndis-tikinti şirkəti Azenco tərəfindən formalaşdırılmış konsorsiumdur. Bu konsorsiumda subpodratçı qismində Ukraynanın Ukrainian Energy Machines şirkəti, Ukrhydroproject layihə təşkilatı, Türkiyənin transformator istehsalçısı Balıkesir Elektromekanik, eləcə də Rumıniyanın SSG Fire & Rescue, Metabet CF və Forest Electro Grup 2002 şirkətləri yer alır.

Qeyd edək ki, “Azərenerji”yə Etibar Pirverdiyevin rəhbərlik etdiyi dövrdə Azenco Azərbaycanda iri enerji infrastruktur layihələrinin, eləcə də dövlət büdcəsi hesabına maliyyələşdirilən digər işlərin icrasında fəal iştirak edib. Söhbət elektrik stansiyalarının, hidrotexniki qurğuların, su bəndlərinin və digər obyektlərin tikintisindən gedir. Bundan başqa, Azenco Bakıda yaşayış komplekslərinin inşası üzrə layihələr də həyata keçirib.