Bu şəxslərin kredit borcu silinir?

news/2025_12_08/1733246454_manat_kredit_1765210658.jpg

CƏMİYYƏT

507

29.12.2025, 23:31

Kredit borcları ilə bağlı yaranan suallar insanları ən çox maraqlandıran mövzulardandır. Bəs, kredit götürən və zamin duran şəxslərin hər ikisi vəfat edərsə, kredit borcu silinə bilər?

İqtisadçı Asif İbrahimov Metbuat.az-a açıqlamasında bildirib ki, Azərbaycanda kredit borcu məsələsi Mülki Məcəllə ilə tənzimlənir və bu sahədə yanaşma əsasən dünya praktikası ilə uzlaşdırılıb:

“Bazis prinsiplər ondan ibarətdir ki, dünyanın əksər ölkələrində necə tətbiq olunursa, Azərbaycanda da eyni məntiq əsas götürülür və bu, Mülki Məcəllədə də açıq şəkildə göstərilib. Yəni kredit götürən və ya zamin duran şəxs vəfat etdikdə, borc onunla birlikdə avtomatik olaraq aradan qalxmır. Vəfat edən şəxsin varisləri varsa və onlar mirası qəbul edirlərsə, eyni zamanda onun borc öhdəliklərini də qəbul etmiş sayılırlar. Lakin burada mühüm bir şərt var ki, kredit borcunun məbləği mirasın dəyərindən artıq olarsa, artıq olan hissə varislərə şamil edilmir. Məsələn, vəfat edən şəxsin 20 min manat kredit borcu varsa, lakin miras olaraq qoyduğu əmlak – məsələn, bir avtomobil 14–15 min manat dəyərindədirsə, varis yalnız həmin məbləğ həddində məsuliyyət daşıyır”.

A.İbrahimov qeyd edib ki, Azərbaycanda dünya praktikasından əsas fərq isə zaminlərlə bağlıdır:

Həmçinin oxuyun

"Azərişıq" yenə ümidləri doğrultmadı: Qarlı havada əhali İŞIQSIZ QALIB

Bakıda dəhşət YAŞANDI: İki bacı bir yerdə ÖLDÜ

Qara görə məktəblər bağlana bilərmi? Təhsil eksperti mümkün ssenariləri açıqladı

Talıb Talenin ailəsində ağır itki - Foto

“Bir çox ölkələrdə zamin vəfat etdikdə, onun zaminlik öhdəliyi də başa çatmış hesab olunur. Azərbaycanda isə əksinə, həm kredit götürən, həm də zamin duran şəxs vəfat etdikdə, onların varisləri mirası qəbul edərsə, borc öhdəliklərinə də ortaq olurlar. Məhz bu məntiqlə kredit borcu məsələsi həyata keçirilir”.