İbtidai sinif müəllimləri ilə bağlı VACİB AÇIQLAMA 

İbtidai sinif müəllimliyi üzrə peşə tanınmasında namizədlərdən 83 faizi uğursuz nəticə əldə edib

19 dekabr 2025-ci il tarixində DİM tərəfindən keçirilən “İbtidai sinif müəllimliyi” ixtisası üzrə peşə tanınması imtahanının nəticələri açıqlanıb. Namizədlərin 83%-i imtahandan uğursuz nəticə ilə ayrılıb.

Azərbaycanda ibtidai sinif müəllimliyi üzrə peşə tanınması imtahanı namizədlərin peşə hazırlığını ölçmək məqsədilə keçirilir.

Məsələ ilə bağlı təhsil eksperti Elşən Qafarov  Oxu24.com-a açıqlamasında qeyd edib ki, əvvəlcə ibtidai sinif müəllimlərinin müəllim kimi hazırlığına diqqət edək:

“Bu gün bizim ali təhsil müəssisələrində ibtidai sinif müəllimliyi üzrə oxuyan gənclərimiz 4 il təhsil alırlar. Bu 4 ildə onlara öyrədilən bilik və bacarıqlar, yəni həmin ixtisas üzrə kreditlərdə göstərdiyi bilik və bacarıqlar müəllimlərin işə qəbulunda soruşulmur. 

Nəzərə alsaq ki, təhsilin dövlət standartlarında göstərildiyi kimi ibtidai sinif müəllimləri 7 fəndən tədris edirlər. Bu fənlər Azərbaycan dili(Rus dili), Riyaziyyat, Həyat bilgisi, Musiqi, Texnologiya, Təsviri-incəsənət, Fiziki-tərbiyə dərsləridir. 

Amma müəllimlərin işə qəbulunda iki fəndən ibtidai sinif müəllimlərinin işə qəbulunda dərs deyirlər. 

Bu doğru yanaşma deyil. 

Riyaziyyat və ya Azərbaycan dilini bilmək həmin şəxsin yaxşı müəllim olması demək deyil. 

Eyni zamanda sertifikasiyada təqdim olunan 60 sualdan 10 sual metodika ilə bağlıdır. Bu da doğru deyil. Beynxəlxalq təcrübədə isə ən azı verilən sualların 40-50%-i metodika olur. 

Həmçinin oxuyun

Ramiz Mehdiyevlə bağlı yeni qərar 

Yeni müavinlər təyin edildilər: Onlar KİMLƏRDİR?

Dövlət Əmək Müfəttişliyi Xidməti itə görə işdən çıxarılan fəhlə ilə bağlı AÇIQLAMA YAYDI

700 min vətəndaşın maaşında artım olacaq     —    VACİB DETAL  

Hesab edirəm ki, bu kimi halların çox qeyd alınmaması üçün ilk növbədə pedaqoji sahədə kadr hazırlığının məzmununda dəyişiklik olmalıdır. Pedaqoji sahədə kadr hazırlığında istər ibtidai sinif, istər digər yuxarı siniflərdə dərs keçəcək kadrlara hər bir fənn üzrə tədrisin metodikası müasir tələblərə uyğun olaraq öyrədilməlidir.  Eyni zamanda beynəlxalq tədris və tərbiyə modelləri öyrədilməlidir. 

Nəinki, pedaqoji sahədə, hətta  bütün sahələrdə əmək məcəlləsi öyrədilməlidir ki, kadrlar əmək qanunvericiliyinin tələblərinə riayət olunması öhdəliklərini bilsinlər”.

Çimnaz Telmanqızı