İllərdir dinləyirik, amma bilmirik: “AMAN AYRILIQ” mahnısı  faciəvi ayrılıqdan doğub…  

Bəzilərini sevgi, bəzilərini isə Cənubi Azərbaycan həsrəti kimi dinlədiyi “Aman ayrılıq” mahnısı 1957-ci ildə yazılıb. 

Oxu24.com  xəbər  verir   ki,mahnının sözləri Fərhad İbrahimiyə, musiqiai isə Əli Səlimiyə aiddir. 

Günlərin bir günü Rəşid Behbudov İranda Əli Səlimigilin evində qonaq olur.

Həmin vaxt Əli Səlimi Rəşid Behbudova “Sizə salam gətirmişəm” mahnısını təqdim edir.

O vaxtı, Əli Səliminin yoldaşı onu digər otağa çağırır. Deyir ki, Rəşid Behbudova ifa etməsi üçün “Aman ayrılıq” mahnısı verək. 

Bir qədər sonra həmin otaqdan tarın müşayiəti ilə həzin bir qadın səsi eşidilir. Mahnının ilk notları səslənən kimi Rəşid Behbudov diqqətini gizlədə bilmir.

O, elə ilk anlardan bu melodiyaya vurulur və ifaya qoşularaq zümzümə etməyə başlayır.

Mahnı bitdikdən sonra məşhur müğənni böyük maraqla Əli Səlimidən bu əsərin kimə məxsus olduğunu soruşur.

Bəstəkar cavabında bildirir ki, şair Fərhad İbrahimi “Ayrılıq” adlı bir şeir yazmışdı və o, cəmi bir neçə gün əvvəl həmin şeirə musiqi bəstələyib.

Həmçinin oxuyun

Bu şəxslərin pensiya kapitalı 2800 manat artacaq 

Yeni vəzifəyə təyin olunan  Emil Xəlilov KİMDİR?

Tərtər hadisələrində məşhur generalın adı niyə hallanır? 

"İsrail İranla bağlı planı ABŞ-yə təqdim edib" – Politoloq regiondakı durumu şərh edib  

Rəşid Behbudov eşitdiklərindən təsirlənərək bəstəkara iradını gizlətmir: “Bəs niyə bu mahnını mənə təklif etmirsən?”

Əli Səlimi isə tərəddüdünü açıq şəkildə dilə gətirir. Deyir ki, “Ayrılıq”ı oxumağa icazə verilməyəcəyindən qorxur, bunun isə Rəşid Behbudov üçün problem yarada biləcəyini düşünür.

“Sənə də baş ağrısı olmasın. ‘Sizə salam gətirmişəm’i oxusan, mənə dünyanı vermiş olarsan”, — deyə  o əlavə edir.

Bu anda bəstəkarın da, onun xanımının da kövrəldiyini görən Rəşid Behbudov qəti mövqe ortaya qoyur. O, inamla bildirir:

“Tezliklə hər iki mahnını mənim ifamda eşidəcəksiniz.”

Yaqub Zurufçu bu mahnıya ilk klip çəkdirən sənətkarlardandır.

 “Aman ayrılıq”ı oxuyanların taleyində də ayrılıq olub. Sonralar “Ayrılıq” müxtəlif illərdə çox sayda tanınmış ifaçılar tərəfindən səsləndirilib, həm Azərbaycanda, həm də İran, Türkiyə kimi ölkələrdə. 

Bir çox mahnılar ifa edən Ququş(Faiqə Atəşin) da bu mahnı ilə məşhurlaşıb. 

“Aman ayrılıq” mahnısı hələ də yaşayır. O taylı, bu taylı… 

Bir-birini sevib, qovuşa bilməyənlərin ürəklərində…

Çimnaz Telmanqızı