Türkçülük ideologiyasında yeni yanaşma  

Üçüncü Hissə

Turan Birliyində iqtisadiyyat necə qurulmalıdır?

Turan Birliyində və yaxud Türk Birləşmiş Dövlətlərində iqtisadiyyat qurularkən əvvəla iqtisadi imkanlardan olduqca səmərəli şəkildə idarə və istifadə olunmalıdır. Yaşıl iqtisadi siyasət iqtisadiyyatın əsas halqası təşkil etməlidir. Ağır sənaye elə qurulmalıdır ki, ətraf mühitə zərər verməməlidir. Sənayenin bütün sahələri tam olaraq, avtomatlaşdırılmalı və xaricdən asılı olmayan iqtisadiyyat modeli təşkil etməlidir. Süni zəkaya əsaslanan sənayemizdə inqilabi dəyişikliklər edilməli, ağır və zərərli yerlərdə insanlar işlədilməməlidir. Bizim mənimsəməli olduğumuz iqtisadiyyat modeli kapitalizm və ya sosializm olmamalıdır.

Aqrar sənayedə isə Türk irqnin oba yaşayışına əsaslanan kənd münasibətləri yaradılmalıdır. Biz ədalətli cəmiyyətin iqtisadi modelinə keçmək üçün gərək bir çox istismara qapalı sistemi yaratmalıyıq. Nizami Gəncəvinin Xəmsə əsərinin İsgəndərnamə poemasındakı Xoşbəxtlər ölkəsinin müsbət elementlərini tətbiq etməliyik. Turan Birliyi yeganə ittifaq olmalıdır ki, burada heç bir tarifə və vergiyə ehtiyac qalmır. Kapitalizmin çalışdığı ucuz işçi qüvvəsi və ya gücü, sosializmin tarazlığı pozulmuş planlı iqtisadiyyatı yerinə əksinə sadəcə ədalətli cəmiyyə üçün çalışmaq lazımdır. Ortaq mülkiyyət, haqq-ədalətli qazanc, ləğv edilmiş istişmar, milli iqtisadiyyat əsas prinsiplərdir. Özəl sektor yerinə hamılıqla prinsipinə əsaslanan iqtisadiyyatla yeni quruluşa doğru yol qət ediləcək.

Türk Törəli bank sistemi İslam və Burjua bank sistemindən seçilir. Burada qətiyyən faiz sistemi olmayacaq. Lombard kimi yoxsul təbəqəyə zülm verən sistem də ləğv ediləcək. Bank sistemi çox vaxt humanist prinsipi olan dəyərləri özündə əks edəcək. Bu sistem əsasən əhalinin kasıb və orta təbəqəsinin ehtiyaclarını ödənilməsi üçün və sonra şəxs öz borcunu daha əlverişli qaydalarla qaytaracaq. Digər bir metod isə dövlətin yatırım etməsidir. Bankın milli adı da "Pul Yönətmə Qurumu" deyə olacaqdır. 

Həmçinin oxuyun

Milli Hidrometeorologiya Xidməti  mühüm məlumatı AÇIQLADI

Azərbaycana güclü qar yağır

İlhamə Quliyevanın bacısı qızı həbs edildi 

Kollecdə yeni təyinat olub 

Ortaq pul olaraq, Turan Tüməni kəsiləcək. Əsas məsələmiz də pulun qızılla qarşılığı olacağından dolayı xariclə asılılığa qarşı vurulacaq ən böyük zərbə olacağından dolayısı ilə bizi indiki kimi dollar asılılığı kimi əsas problemdən xilas edə bilər. İttifaqın maliyyə qaynağı da daxili və xarici imkanlarla təşkil edilə bilər. Bununla belə Turan Tüməni qızıl, gümüş, almaz kimi də ehtiyatından da söhbət gedə bilər. Yeni qlobal iqtisadi nizamı da Turan Birliyi qura bilər. Üstəlik dünyada heç bir güc ocağı olmadan, heç kimə qarşı aqressiya törətməyəcək. Lakin, hərbi iqtisadi siyasət də əsas çəkindirici alət olacaqdır.

Elm və texnikanın inkişafı üçün elmə və təhsilə pul ayrılacaq. İqtisadiyyatın sonrakı inkişafı bununla bağlıdır. Buna baxmayaraq, səhiyyə və hüquq yeni bir dövrə uyğunlaşdırılacaq. İnsanların ruhi sağlamlığının təmin edilməsi üçün hər il yoxlama qurumlarına insanları ruhi və nevroloji sağlamlıqlarını qorumaq, hər hansısa cinayət və ya qəza hallarına qarşı eyni zamanda da istehsalın qaydaya salınması üçün xüsusi proqramlar irəli sürüləcək. Pensiya və müavinətlər haqqında yeni yanaşmalar irəli sürülməklə Törəyə uyğun sistemlilik müşahidə ediləcək. Əlillər, xəstələr və yaralılar üçün yeni xüsusiyyətləri daha doğrusu yeni tibbi-iqtisadi siyasət də baş tuta bilər.

Türk həmişə haqqı və ədaləti rəhbər tutur. Humanist dəyərlərdən qat-qat qabaq ulularımız həmişəki kimi düzgün nizam formalaşdırmışlar.

Ceyhun Ərmən Vedili