ŞAD XƏBƏR – Amnistiya bu şəxslərə də şamil olunacaq

CƏMİYYƏT

518

22.12.2025, 15:08

“Bu gün 300-ə qədər məhkum olunan şəxslər, həmçinin, istintaq təcridxanasında hələki haqqında hökm çıxarılmamış insanlar da azadlıqlarına qovuşa biləcəklər”.

Oxu24.com xəbər verir ki, bunu Sosial Tədqiqatlar Mərkəzinin (STM) İdarə Heyətinin sədri, Milli Məclisin İnsan hüquqları komitəsinin sədri Zahid Oruc Amnistiya aktının icrası ilə bağlı jurnalistlərə açıqlamasında deyib.

O bildirib ki, amnistiya şəxslərə deyil, maddələrə tətbiq edilir:

"Bu gün alternativ cəzalarla, 3500-dən artıq şəxs həbs cəzasını belə müəssisələrdə deyil, cəza bilərziyi ilə öz evlərində məsuliyyətlərini daşıyıb, məhkum edilmiş sayılırlar. Bu qərar cəmiyyətdəki barışa, insanlar arasındakı həmrəyliyə, sülhə xidmət etməklə yanaşı həm də cəzaçəkmə müəssisələrində sıxlığı aradan qaldırmış olacaq. Bu, bir həqiqətdir ki, bizdə yeni müəssisələr sayca çox tikilmir və bu belə də olmalıdır. Dövlət həbsxanaların tikilməsini deyil, daha artıq dərəcədə cinayətlərin baş vermə səbəblərini aradan qaldırmağa can atır".

Deputat vurğulayıb ki, əhalinin yüz min nəfərinə düşən məhkum edilənlərin sayına görə Azərbaycan dünyada 56-cı yerdədir:

Həmçinin oxuyun

Azərbaycan idmançılarının reytinqi AÇIQLANDI: Birinci yerdə odur

İlham Əliyev Pezeşkiana niyə zəng etdi? - Səbəbi

Ağır qəza: Yaralılar var

İrana növbəti ZƏRBƏ

"Bu, yaxşı göstəricidir. ABŞ dünyada birinci yeri tutur və kriminallığın daha çox olduğu anlamına gəlir. Cəzaçəkmə müəssisələrində 27 mindən artıq məhkum edilən şəxslərin 40 faizə qədəri narkotiklə bu və digər əlaqəli, 20 faizə yaxını da oğurluq və bu kimi cinayət törədənlərdir.

Əminəm ki, gələcəkdə müalicə və reabilitasiya müəssisələri artıqca biz cəzaçəkmə müəssisələrində narkotik istifadəçilərini görməyəcəyik. Bu da bu müəssisələrə bu gərginliyi, basqını yaratmayacaq".