Azərbaycanın ən kiçik rayonu hansıdır?   —    MARAQLI FAKTLAR 

Oxu24.com ölkəmiz haqqında maraqlı faktları təqdim etməkdə davam edir.

Bu dəfə təqdim edəcəyimiz mövzu   Azərbaycanın  rayonları ilə bağlıdır.

Ərazisinə görə Azərbaycanın ən kiçik rayonu hansıdır?

Oxu24.com Dövlət Statistika Komitəsinin istinadən xəbər verir ki, Tərtər rayonunun ərazisi 109 kvadrat kilometrdir.

Bu inzibati ərazi vahidi ilə Tərtər Azərbaycanın ən kiçik rayonudur. 

Tərtər rayonu Qarabağ düzündə, Tərtər çayının sahilində yerləşir. Rayonun ərazisi Ağdam, Ağdərə, Goranboy, Yevlax və Bərdə rayonları ilə həmsərhəddir.

Prezident İlham Əliyevin 2023-ci il 5 dekabr tarixli    Azərbaycan Respublikasının Ağdərə rayonunun yaradılması haqqında Azərbaycan Respublikasının Qanunu təsdiq etməklə Tərtər rayonunun ərazisi kiçildi.

Tərtər rayonunun Ağdərə şəhər inzibati ərazi dairəsi tərkibindəki Ağdərə şəhəri, Ağabəyyalı kənd inzibati ərazi dairəsi tərkibindəki Ağabəyyalı kəndi, Canyataq kənd inzibati ərazi dairəsi tərkibindəki Canyataq və Gülyataq kəndləri, Çardaqlı kənd inzibati ərazi dairəsi tərkibindəki Çardaqlı, Lüləsaz və Meqrelalay kəndləri, Çaylı kənd inzibati ərazi dairəsi tərkibindəki Çaylı, Suqovuşan və Təpəkənd kəndləri, Həsənqaya kənd inzibati ərazi dairəsi tərkibindəki Həsənqaya, Çiləbürt, Göyarx və Maralyansarov kəndləri, Kiçik Qarabəy kənd inzibati ərazi dairəsi tərkibindəki Kiçik Qarabəy kəndi, Qızıloba kənd inzibati ərazi dairəsi tərkibindəki Qızıloba, Seysulan və Yarımca kəndləri, Aşağı Oratağ kənd inzibati ərazi dairəsi tərkibindəki Aşağı Oratağ, Qasapet və Dəmirli kəndləri, Şıxarx qəsəbə inzibati ərazi dairəsi tərkibindəki Şıxarx qəsəbəsi, Talış kənd inzibati ərazi dairəsi tərkibindəki Talış kəndi, Ulu Qarabəy kənd inzibati ərazi dairəsi tərkibindəki Ulu Qarabəy kəndi, Umudlu kənd inzibati ərazi dairəsi tərkibindəki Umudlu və Zəylik kəndləri  rayondan ayrılaraq Ağdərəyə verildi.

Bununla da Tərtər rayonu ərazicə Azərbaycanın ən kiçik rayonu statusunu qazandı.

Bu sərəncama qədər  ölkəmizdə ən kiçik rayon Sədərək idi. Bu rayonun ərazisi 220 kvadrat kilometrdir.

Miri Məcidli

Həmçinin oxuyun

Toyda xalaoğlular arasında  düşən dava qətlə səbəb oldu  —  DETALLAR

Emin Əmrullayevdən müəllimlərlə bağlı ƏMR - SİYAHI

Oktyabrın 6-dan 10-dək davam edəcək - XƏBƏRDARLIQ 

Ramin Məmmədov YAP-ın İdarə Heyətindən niyə qovuldu?