Akademik ailənin oğlu, İdarə rəisinin müavini Mehdi Abdullayev kimdir?   —  DOSYE

Oxu24.com  Azərbaycanda vəzifə tutan şəxslər barədə  maraqlı faktları təqdim etməkdə davam edir.

Bu layihədə məqsəd Dövlətin idarəçiliyində əməyi və rolu olan vəzifəli şəxslərin tanıdılması və onlar barədə ictimaiyyətin informasiya alması  ilə bağlıdır.

Sözügedən layihə çərçivəsində bu dəfə Ədliyyə Nazirliyində yüksək vəzifə tutan şəxs  haqqında maraqlı faktları oxucularımıza təqdim edirik:

Oxu24.com xatırladır ki,Mehdi Abdullayev 1980-ci il iyul ayının 26-da Bakı şəhərində, Azərbaycanın xalq yazıçısı, Azərbaycan Dillər Universitetinin rektoru, akademik Kamal Abdullanın və AMEA-nın Şərqşünaslıq İnstitutunun direktoru, akademik Gövhər Baxşəliyevanın ailəsində dünyaya gəlib.

Bakı Dövlət Universitetinin Hüquq fakültəsini və Azərbaycan Dillər Universitetinin Tərcümə fakültəsini bitirib.

Azərbaycan Respublikası Ədliyyə Nazirliyində aparıcı mütəxəssis, İstintaq idarəsində müstəntiq işləyib. AMEA İnsan Hüquqları İnstitutunda çalışıb. Azərbaycan Respublikasının Prezidenti yanında Dövlət İdarəçilik Akademiyasında müəllim, baş müəllim, dekan müavini olub.

2005-ci ildə "Cinayət prosesində insan hüquqlarının müdafiəsi: Avropa Şurasının standartları və Azərbaycan Respublikasının qanunvericiliyi" mövzusunda namizədlik dissertasiyası müdafiə edib.

2009-cu ildə Azərbaycan Müəllimlər İnstitutunun beynəlxalq əlaqələr üzrə prorektoru vəzifəsinə təyin olunub.

5 iyun 2009-cu ildə Dağlıq Qarabağ Bölgəsinin Azərbaycanlı İcması İctimai Birliyinin birinci qurultayında İcmanın Əlaqələndirmə Şurasının sədri seçilib.

2010-cu ilin aprel ayından 2016-cı ilə qədər Azərbaycan Dövlət Pedaqoji Universitetinin beynəlxalq əlaqələr üzrə prorektoru vəzifəsində çalışıb.

2016–2019-cu illərdə Azərbaycan Respublikasının Prezidenti yanında Dövlət İdarəçilik Akademiyasının humanitar və sosial məsələlər üzrə prorektoru olub.

2017-ci ildə doktorluq dissertasiyası müdafiə edərək hüquq elmləri doktoru elmi dərəcəsi alıb.

2020-ci ilin fevral ayında 2022-ci ilin avqust ayına qədər Azərbaycan Respublikası Əmək və Əhalinin Sosial Müdafiəsi nazirinin müşaviri vəzifəsində çalışıb.  

2022-ci ilin avqust ayında Ədliyyə Nazirliyi yanında Əhalinin Dövlət Reyestri Xidmətinin rəis müavini təyin olunub.

2024-cü ilin oktyabr ayında Ədliyyə Nazirliyinin Bələdiyyələrlə İş Baş İdarəsinin rəis müavini təyin edilib.

Bundan öncə  Ədliyyə Nazirliyinin ən yüksək vəzifəli xanım məmuru haqqında məlumat yayımlamışdıq.

Hazırladı: Miri Məcidli

Həmçinin oxuyun

Sabiq rəis HƏBS OLUNDU 

Oktyabrda pensiya və sosial yardım gözləyənlərə ŞAD XƏBƏR

İlhamə Quliyevanın məşhur "Unut məni"si bu müğənniyə həsr OLUNUBMUŞ

Zəngəzurda saxlanılan Azərbaycan hərbçisindən son dəqiqə XƏBƏRİ