ICESCO ilə Türk Mədəniyyəti və İrsi Fondu arasında Əməkdaşlıq Memorandumu imzalanıb 

9 dekabr, 2025-ci il tarixində ICESCO-nun Baş direktoru Salim bin Məhəmməd əl-Malik Türk Mədəniyyəti və İrsi Fondunun mənzil-qərargahını ziyarət edərək Təşkilatın Prezidenti Aktotı Raimkulova ilə görüşüb.

Oxu24.com   xəbər verir ki, ziyarət çərçivəsində ICESCO nümayəndə heyətinə Fondun mədəni irsin tədqiqi, qorunması və təbliği istiqamətində həyata keçirdiyi layihələr təqdim edilib, elmi əməkdaşlığın genişləndirilməsi və institusional tərəfdaşlığın möhkəmləndirilməsi istiqamətində vacib məsələlər müzakirə olunub.

Görüş zamanı 2026-cı il üçün nəzərdə tutulan planlar, qarşılıqlı maraq doğuran istiqamətlər və yeni əməkdaşlıq perspektivləri bölüşülüb.

Ziyarətin əsas məqamı Türk Mədəniyyəti və İrsi Fondu ilə ICESCO arasında tarixi əməkdaşlığın yeni mərhələsini başlanğıc verən Əməkdaşlıq Memorandumunun imzalanması olub.

Sənəd Türk Mədəniyyəti və İrsi Fondunun prezidenti Aktotı Raimkulova və ICESCO-nun Baş direktoru Salim bin Məhəmməd əl-Malik tərəfindən imzalanıb.

Memorandum Türk-İslam mədəni irsinin beynəlxalq səviyyədə təbliğini, mədəni irs obyektlərinin öyrənilməsi, rəqəmsallaşdırılması və qorunması üzrə yeni elmi yanaşmaların tətbiqini, eləcə də mütəxəssislər arasında təcrübə mübadiləsinin gücləndirilməsini nəzərdə tutur.

Bu mühüm sənəd mədəni irsin qorunması sahəsində yeni mərhələnin başlanğıcı kimi qiymətləndirilir və tərəflər arasında səmərəli əməkdaşlığın daha da gücləndirilməsinə xidmət edəcəkdir.

Görüşün yekununda ICESCO-nun Baş direktoru Salim bin Məhəmməd əl-Malik Fondun xatirə kitabına öz ürək sözlərini qeyd edib.

Vurğulamaq lazımdır ki, görüşdə həmçinin ICESCO-nun nümayəndə heyəti: ICESCO-nun Tərəfdaşlıq və Beynəlxalq Əməkdaşlıq Şöbəsinin rəhbəri Anar Kərimov, ICESCO-nun Bakı regional ofisinin direktoru Əbdülhakim Əl-Sənan, ICESCO-nun Bakı Regional Ofisinin direktor müavini Məryəm Qafar-zadə, ICESCO üzrə Azərbaycan Respublikası Milli Komissiyasının katibi Ələkbər Xıdırov iştirak ediblər.

Bu gün baş tutan yüksək səviyyəli görüş, mədəni irsin beynəlxalq müstəvidə qorunması və inkişafı baxımından Fond ilə ICESCO arasında əməkdaşlığın daha da dərinləşməsinə yeni impuls verib.

Səfər bədii hissə ilə müşayiət olunub.

Həmçinin oxuyun

Sabiq rəis HƏBS OLUNDU 

Oktyabrda pensiya və sosial yardım gözləyənlərə ŞAD XƏBƏR

İlhamə Quliyevanın məşhur "Unut məni"si bu müğənniyə həsr OLUNUBMUŞ

Zəngəzurda saxlanılan Azərbaycan hərbçisindən son dəqiqə XƏBƏRİ