42 yaşında vəfat etdi,Fəxri Xiyabanda dəfn edildi - Nazirin maraqlı HƏYATI

CƏMİYYƏT

3081

09.12.2025, 19:13

Azərbaycan tarixində az öyrənilən və ya heç öyrənilməyən faktlar silsiləsindən olan paylaşımlarımızı davam etdiririk.

Bu dəfə Vladimir Rasskazov haqqında məlumat verəcəyik.

Oxu24.com xəbər verir ki,Vladimir Qriqoryeviç Rasskazov 1927-ci ildə hazırkı Saratov vilayətinin Malaxovka kəndində doğulub.

Orta məktəbi bitirdikdən sonra, 1944-cü ildə Odessa Dənizçilik Məktəbinə, bir il sonra isə Odessa Ali Dənizçilik Məktəbinə daxil olub.

O, mühəndis-elektromexanik diplomu ilə 1951-ci ildə Bakıya gəlir və "General Həzi Aslanov" dizel-elektroxodunda elektromexanik vəzifəsində işləməyə başlayır.

Həmçinin oxuyun

Məşhur polkovnik VƏFAT ETDİ

DİQQƏT: Ölməzliyin şifrəsi tapıldı? — 150 il yaşamaq istəyənlərin gizli metodu: BİOHAKKİNQ!

İşdən çıxarılan şəxslərin DİQQƏTİNƏ: Hansı ödənişləri və güzəştləri tələb edə bilərsiniz?

İbtidai sinif müəllimləri ilə bağlı VACİB AÇIQLAMA

Onun əmək fəaliyyətinin sonrakı mərhələsi Vano Sturua adına gəmi təmiri-gəmiqayırma zavodu ilə bağlı olur. Burada o, texniki şöbənin mühəndis-elektrotexniki vəzifəsində çalışır. 10 ildən artıq partiya işində fəaliyyət göstərir.

Sonrakı illərdə Vladimir Rasskazov Xəzər Gəmiçilik İdarəsi siyasi şöbəsinin təlimatçısı, 1953-cü ildən Azərbaycan Kommunist Partiyası Mərkəzi Komitəsi aparatında təlimatçı, daha sonra isə sənaye və nəqliyyat şöbəsi müdirinin müavini vəzifələrində çalışır.

1963-cü ildə Azərbaycan SSR avtomobil nəqliyyatı naziri təyin edilir və 1969-cu ilə qədər bu vəzifədə işləyir.

Vladimir Rasskazov 1964-cü ildən Azərbaycan KP MK üzvlüyünə namizəd olub.Azərbaycan SSR Ali Sovetinin 7-ci çağırış deputatı seçilib, "Qırmızı əmək bayrağı" ordeni ilə təltif olunub. O,1969-cu ildə, 42 yaşında Bakıda vəfat edib.

Fəxri Xiyabanda dəfn olunub...

Hazırladı: Tarixçi Namiq Həsənov