Millət vəkili Prezidentə minnətdarlığını bildirdi 

Milli Məclisin deputatı, Azərbaycan–İsrail Parlamentlərarası İşçi Qrupunun rəhbəri Anatoliy Xaimoviç Rafailov Prezident İlham Əliyevin Yəhudi xalqına ünvanladığı təbrikə görə minnətdarlığını bildirib.

Oxu24.com  xəbər verir ki, o, bu barədə deyib:

“Dərin hörmət və minnətdarlıq hissi ilə Azərbaycan Prezidentinin səmimi təbriklərini qəbul edirik, burada vurğulanır:

“Mütərəqqi tolerantlıq ənənələrinin və yüksək birgəyaşayış mədəniyyətinin tarixən hökm sürdüyü Azərbaycanda yəhudi icması xüsusi yer tutur. Bu gün cəmiyyətimizin ayrılmaz hissəsi olan yəhudilər əsrlər boyu digər xalqların və konfessiyaların nümayəndələri ilə sülh, qarşılıqlı hörmət və etimad mühitində çiyin-çiyinə yaşayıblar”.

Bu sözlər təkcə bizim qəlbimizə toxunmur, həm də tarixi həqiqəti əks etdirir: yəhudi xalqı əsrlər boyu Azərbaycanın zəngin mozaikasının tərkib hissəsi olub. Burada, ortaq vətənimizdə özümüzü həmişə təhlükəsiz hiss etmişik, hörmət və dəstəklə əhatə olunmuşuq.

Biz dövlətin diqqət və qayğısına, dünyanın nadir yerlərindən biri olan müasir Azərbaycanda antisemitizmə, ksenofobiyaya, etnik-dini dözümsüzlüyə yer olmadığına görə minnətdarlığımızı bildiririk. Bu, bizim qorumalı və gücləndirməli olduğumuz böyük dəyərdir.

Yəhudi xalqı öz vətənlərini - Azərbaycanı sevir. Biz həmvətənlərimizlə birlikdə ölkənin rifahı naminə çalışmaqdan, onun şərəfini və müstəqilliyini qorumaqdan, gənc nəsli vətənpərvərlik, ədalətlilik, ümumi ideallara sədaqət ruhunda tərbiyə etməkdən qürur duyuruq.

Həmçinin oxuyun

Güclü leysan,ardınca qar yağacaq    —   ƏHALİYƏ XƏBƏRDARLIQ 

Bu ölkə də Rusiya əleyhinə ÇIXDI: Regionun taleyi sual altındadır  - POLİTOLOQLA MÜSAHİBƏ

Professor Nərgiz Paşayeva üçün özəl gün: Həyatı,ailəsi,yaradıcılığı haqqında MARAQLI FAKTLAR  

SON DƏQİQƏ! General bu vəzifəyə təyin olundu

Azərbaycan cəmiyyətinin bir parçası olmaq onun dərdinə, sevincinə şərik olmaq, hər uğurunda iştirak etmək deməkdir.

Yeni il təkcə təqvimin dəyişməsi deyil, həm də ruhun yenilənməsi, gələcəyə ümidlə baxmaq şansıdır. Yəhudi təqvimi ilə 5786-cı il quruculuq, firavanlıq və milli birliyin möhkəmlənməsi ili olsun.

Qoy Azərbaycan həmişə sülhün və qarşılıqlı hörmətin hər sınaqdan güclü olduğu, vətənpərvərliyin söz deyil, cəmiyyətə gündəlik xidmət olduğu bir diyar olsun. Millətindən, dinindən asılı olmayaraq hər bir vətəndaş özünü bir ailənin üzvü kimi hiss etsin.

Dua edirik ki, yeni ildə sülh günəşi həmişə Azərbaycana işıq saçsın, hər bir ev ruzi-bərəkət, sağlamlıq və sevinclə dolsun. Keçmişin müdrikliyi, bu günün ədaləti, gələcəyə olan parlaq ümid ölkəmizi yeni zirvələrə aparsın.

Yeni iliniz mübarək! Roş Ha-Şana mübarək! Azərbaycan və onun xalqı bərəkətli olsun!”