Yandırsın, amma şəfa versin -Gicitkənin İNANILMAZ FAYDALARI 

Əl dəyən kimi yandıran, qaşındıran və çox vaxt narahatlıq yaradan bu yaşıl bitkiyə bir çoxumuz uzaq durmağa çalışırıq. Ancaq Gicitkən min bir dərdin dərmanı sayılır və min illərdir xalq təbabətində istifadə olunur.

Musavat.com bu “yaşıl möcüzə”nin faydaları, istifadəsi və diqqət edilməli məqamlar haqqında məlumatları təqdim edir.

Gicitkən qədim zamanlardan bəri qanazlığı və qanda toksinlərin yığılması ilə mübarizə aparmaq üçün istifadə olunur. Qan dövranını yaxşılaşdırır, orqanizmin özünü təmizləmə qabiliyyətini artırır. Revmatizm, artrit və oynaq iltihabları zamanı gicitkən çayı və ya məlhəmi ağrıları azaldır. 

Böyrək daşlarının və sidik yolları infeksiyalarının qarşısını almağa kömək edir. Bədəndəki artıq mayeni və duzu çıxarmağa yardım edir. Gicitkən ekstraktı və çayı saç diblərini gücləndirir. Saç tökülməsinin qarşısını almaqda və saçın parlaqlığını bərpa etməkdə də faydalıdır.

Gicitkən C vitamini, dəmir, kalsium, maqnezium və K vitamini ilə zəngindir. Xüsusilə yazda orqanizmi canlandırmaq və bahar yorğunluğunu aradan qaldırmaq üçün idealdır.

Qanı tərtəmiz edir, qaynadıb için

Çay: Qurudulmuş yarpaqlardan hazırlanır. 1 stəkan qaynar suya 1 çay qaşığı əlavə edilir, 10 dəqiqə dəmlənir. Gündə 1-2 stəkan içilə bilər.

Təzə yarpaqlar: Bişirilərək yeməklərə, sup və borşlara əlavə olunur.

Saç üçün suyu: Gicitkən suyu ilə saçların yuyulması tövsiyə edilir.

Kapsul və ekstrakt: Tibbi məqsədlər üçün apteklərdə mövcuddur.

Hər təbii vasitə kimi, gicitkən də ehtiyatla istifadə edilməlidir.

Gicitkən niyə dalayır - Uşaq Bilik Portalı

Əsas risklər:

Allergik reaksiya – Həssas dərili insanlarda təmas zamanı qızartı və qaşıntı yarada bilər.

Qan durulducularla birlikdə istifadə edilməməlidir – K vitamini ilə zəngin olduğu üçün antikoaqulyant (qan duruldan) dərmanlarla qarşılıqlı təsirə girə bilər.

Hamiləlik dövründə məsləhətləşmədən istifadə edilməməlidir – Uterus əzələlərinə təsir edə bilər.

Gicitkən – görünüşcə "təhlükəli", əslində isə faydalı bir möcüzədir. Təmiz qan, güclü saçlar, sağlam oynaqlar və enerji dolu bədən üçün bu bitkini həyatımıza qaytarmaq mütləqdir. Amma düzgün dozada və düzgün şəkildə istifadə etməyi unutmamaq şərti ilə!

Həmçinin oxuyun

Döyüş meydanında yeni ERA: PUA-lar və Elektron Müharibə sistemləri müharibələrin taleyini necə dəyişir?  

Azərbaycanda bu sahədə  yeni mərhələ başlayır —Prezidentin təsdiqlədiyi Qanun nələri dəyişəcək?

Leysanla bağlı XƏBƏRDARLIQ

Pensiyalarla bağlı RƏSMİ AÇIQLAMA