Paşinyandan silahlanma ilə bağlı XƏBƏRDARLIQ: "Digər yol bizi məhvə aparır"

•  
•  
•  

"Ölkə silahı yalnız öz ərazisini qorumaq üçün əldə edir".

OXU24.COM  xəbər verir ki, bunu Ermənistanın Baş naziri Nikol Paşinyan İctimai Televiziyaya müsahibəsində deyib.

Siyasətçi bildirib ki, Ağrı dağının zehni mənzərəsi ilə silah alarkən heç kim Ankara ilə problem yaşamamaq üçün İrəvana silah satmayacaq.

“Biz silahları müstəsna olaraq respublikamızın beynəlxalq səviyyədə tanınmış ərazisini qorumaq üçün alırıq”, - Paşinyan bildirib.

O əlavə edib ki, respublika həm də qonşu dövlətlərin ərazisinin suverenliyini tanıyır.

“Həmişə belə bir strategiyaya sahib olmalıyıq, digəri isə özünü məhvə aparan yoldur”, - deyə Baş nazir qeyd edib.

Dekabrın 12-də Azərbaycan Prezidenti İlham Əliyevin köməkçisi Hikmət Hacıyev bildirib ki, Ermənistanda Fransadan gətirilən silahlar var. Onun sözlərinə görə, İrəvanın hərbiləşdirilməsinin arxasında duran əsas qüvvələrdən biri də Parisdir.