"Evlərin sənədləşdirilməsi ilə bağlı prosedur davam etdirilir".

Bunu  açıqlamasında Əmlak Məsələləri üzrə Dövlət Komitəsinin İctimaiyyətlə əlaqələr şöbəsinin rəhbəri Qulu Xəlilov bildirib.

Onun sözlərinə görə, sənədləşdirmə prosesi çərçivəsində vətəndaşlar arasında maarifləndirmə işləri aparılır:

“Prezidentin imzaladığı fərmanda qurumumuz son instansiyadır. Yəni, sənədləşdirilməmiş evlərin istismara icazə aktları müvafiq dövlət qurumları tərəfindən hazırlandıqdan sonra Əmlak Məsələləri üzrə Dövlət Komitəsinə göndərilir. Biz isə vətəndaşlardan sənədləri toplayıb, operativ şəkildə çıxarışları veririk".

Komitə rəsmisi onu da qeyd edib ki, prosedurun son tarixi hələ ki, məlum deyil. Bu, müvafiq qurumların işlərinin bitməsindən asılıdır.

Qeyd edək ki, prezident İlham Əliyev Nazirlər Kabinetinin ilin birinci rübünün yekunlarına həsr olunan iclasda vaxtilə tikilmiş, ancaq istismara qəbul edilməmiş mənzillərin sənədləşməsi prosesinin başladığını bildirmişdi. Oxu24.com