Goranboyda minik maşını atla toqquşduqdan sonra yoldan çıxaraq su kanalına düşüb. 

Oxu24.com ın məlumatına görə, hadisə Bakı-Qazax avtomagistralının rayon ərazisindən keçən hissəsində qeydə alınıb. Murad Fəttahovun idarə etdiyi minik avtomobili gecə saatlarında qarşısına qəfil çıxan atı vurub. Daha sonra magistral yolun arakəsmə dəmirlərinə çırpılan avtomobil idarəetmədən çıxaraq su kanalına düşüb. Hadisə yerinə çağrılan Təcili Tibbi Yardım briqadası sürücüyə tibbi yardım göstərib.

Hadisənin baş vermə səbəbləri araşdırılır.