Şəhid Nihad Əliyevin doğum günüdür
22 Noyabr 2026, 18:54
Qaynar xətt:
(+99450) 247 90 86
CƏMİYYƏT
376
22.10.2024, 22:02
Ötən gün Bakıda yağan aramsız yağışlar bir sıra fəsadlara yol açıb.
OXU24.COM məlumatına görə, bunun nəticəsində dünən axşam saatlarında bir sıra sürücülər avtomobilin dövlət nömrə nişanını itirib.
Bununla bağlı sosial şəbəkələrdə kifayət qədər paylaşıma rast gəlmək mümkündür. Kimisi itirdiyi nömrəni axtarır, kimisi də tapdığı nömrənin sahibini.
Bəs, təbiət hadisəsinin səbəb olduğu zərərə görə sürücülərə hər hansı güzəşt oluna bilər?
Suala cavab tapmaq üçün Baş Dövlət Yol Polisi İdarəsinin İctimai qurumlarla əlaqə şöbəsinin əməkdaşı Mübariz Ağayevlə əlaqə saxladıq. Qurum rəsmisi bildirib ki, belə durumda qanunvericilikdə heç bir güzəşt nəzərdə tutulmayıb: “Qaldırdığınız məsələ ilə bağlı qanunvericilikdə heç bir imtiyaz nəzərdə tutulmayıb. Əksinə, avtomobil sahiblərinin üzərinə dövlət qeydiyyat nişanlarının təmiz saxlanılması, istehsalçı zavod tərəfindən müəyyən edilmiş yerlərdə bərkidilməsi və orada dayanıqlılığın təmin edilməsi üçün qabaqlayıcı tədbirlərin görülməsi kimi vəzifələr qoyulub. Dövlət qeydiyyat nişanı qeydiyyat aparılarkən təhkim olunmuş eyniləşdirmə vasitəsidir.
Nömrənin itirilməsinə görə isə hər hansı cərimə nəzərdə tutulmayıb. Sadəcə, nəqliyyat vasitəsinin sahibi və ya sərəncam vermək hüququ olan digər şəxs aidiyyəti üzrə ərazi polis orqanına müraciət etməlidir. Nömrə itirilirsə və tapılmırsa, yenidən həmin dövlət nömrə nişanı verilmir. Bu zaman nömrə sərfiyyatdan çıxarılır. Bu halda avtomobil sahibi yeni dövlət nömrə nişanı almalıdır. Bunun üçün o, Yol hərəkəti haqqında Qanunda nəzərdə tutulmuş qaydada ərazi aidiyyəti üzrə BDYPİ-nin Qeydiyyat-imtahan məntəqələrinə müraciət etməlidir”.
Mübariz Ağayev xoşagəlməz durmlarla qarşılaşmamaq üçün sürücülərə müraciət də edib. O, bu cür havalarda nəqliyyat vasitələrinin sazlığının təmin olunmağının vacibliyini bir daha xatırladıb.
Məsələ ilə bağlı nəqliyyat eksperti Elməddin Muradlı bildirib ki, bəzi sürücülər nömrəni şurupla avtomobilin gövdəsinə bərkitmədiyi üçün yspışqandan istifadə edirlər. Su isə həmin yapışqana dəyən kimi düşüb itir.
"Bununla bağlı sosial şəbəkələrdə nömrələrin itməsi barədə paylaşımlar olur. Avtosfer.az-a da bir neçə dövlət qeydiyyat nişanı göndərilib. Bildirirəm ki, bu nömrələrin sahibləri Baş Dövlət Yol Polisi İdarəsinə müraciət edərək onları geri ala bilərlər".
Ekspert bir daha sürücülərə müraciət edərək bildirib ki, dövlət qeydiyyat nişanını avtomobilə möhkəm bərkitmək lazımdır.
"İtirilmiş nömrələrə bağlı vətəndaş yaşadığı ərazi üzrə polisə müraciət edərək nömrənin itməsi ilə bağlı ərizə yazmalı və daha sonra Baş Dövlət Yol Polisi İdarəsinə müraciət etməlidir. Müraciət əsasında 30 gün ərzində nömrə tapılarsa şəxsin özünə təqdim olunur. Əks halda sürücü yeni dövlət nömrə nişanı alır".








19:20 / 22 Noyabr 2026
41
19:05 / 22 Noyabr 2026
320
18:54 / 22 Noyabr 2026
71
18:49 / 22 Noyabr 2026
93
18:21 / 22 Noyabr 2026
253
18:16 / 22 Noyabr 2026
134
18:02 / 22 Noyabr 2026
117
17:59 / 22 Noyabr 2026
97
16:38 / 22 Noyabr 2026
167
16:29 / 22 Noyabr 2026
130
16:18 / 22 Noyabr 2026
1895
16:00 / 22 Noyabr 2026
216
14:27 / 22 Noyabr 2026
165
14:11 / 22 Noyabr 2026
184
13:47 / 22 Noyabr 2026
518
13:20 / 22 Noyabr 2026
163
12:51 / 22 Noyabr 2026
186
12:30 / 22 Noyabr 2026
393
12:17 / 22 Noyabr 2026
1685
11:38 / 22 Noyabr 2026
2086
11:12 / 22 Noyabr 2026
305
10:51 / 22 Noyabr 2026
983
10:47 / 22 Noyabr 2026
316
© 2026 Oxu24.com Müəllif hüquqları qorunur.