Ümumdünya Antidopinq Agentliyinin ( WADA ) Uyğunluq Komitəsi ABŞ Antidopinq Agentliyini ( USADA ) yoxlamağa başlayıb.

OXU24.COM xəbər verir ki, USADA yoxlama nəticəsində uyğunluq statusundan məhrum edilərsə, 2028 və 2034-cü illərdə ABŞ-da keçirilməsi planlaşdırılan Olimpiya Oyunlarının keçirilməsi risk altında olacaq.

USADA ilə WADA arasında münaqişə 2021-ci ildə Tokio Oyunlarından əvvəl bəraət qazanan 23 Çinli üzgüçünün dopinq işinin dərcindən sonra alovlanıb.

USADA WADA və Beynəlxalq Üzgüçülük Federasiyasını çinli üzgüçülərin antidopinq qaydalarının mümkün pozulması faktını ört-basdır etməkdə ittiham edib. ABŞ-ın dövlət rəsmiləri də USADA-nın iddialarını dəstəkləyiblər.

2028-ci ildə Yay Olimpiya Oyunları Los-Ancelesdə, 2034-cü ildə isə Solt Leyk Sitidə keçiriləcək