Dünən Neftçalada 17 yaşlı qızın ərə verilməsinin qarşısı alınıb.

Hadisə Neftçala rayonunun Aşağı Qaramanlı kəndində qeydə alınıb. Bu ay toyu planlaşdırılan bəyin adı isə Vüsaldır. Vüsal 23 yaşındadır.

Cütlük tezliklə toy etmək istəsə də, qızın nikah yaşına çatmadığı ilə bağlı hüquq-mühafizə orqanlarına edilən şikayətdən sonra bu izdivacın qarşısı alınıb.

Bakupost.az -ın əməkdaşının əlaqə saxladığı Vüsal bu barədə danışmaq istəmədiyini bildirdi. O, toyun nişanlısının 18 yaşı tamam olduqdan sonra ediləcəyini deməklə kifayətləndi.

Qeyd edək ki, Azərbaycan Uşaqlar Birliyinin sədri Kəmalə Ağazadə də Neftçaladakı erkən nikahla bağlı hüquq-mühafizə orqanlarına çağırış edib.