Əsasən da bu isti yay aylarında burun qanaması halları ilə çox tez-tez qarşılaşırıq. 

OXU24.COM  bildirir ki, burun qanayan zaman ilk öncə sakit qalmaq vacibdir. Çünki narahatlıq ürəyin daha sürətli döyünməsinə səbəb olur və bu, qan itkisini artırır.

Burun qanamasını necə dayandırmaq olar?

Qanaxmanı dayandırmaq üçün bu addımları yerinə yetirin:

1. Düz oturun, kəmərinizi və yaxanızı boşaldaraq başınızı irəli əyin. 

2. Burnunuza soyuq, nəm dəsmal və ya buz, ayağınıza isə isti isidici yastıqca qoyun. Bu, burundakı qan damarlarını daraltmağa və ayaqlarda genişləndirməyə kömək edəcək.

3. Qanayan damarı sıxın. Qanaxma dayanana qədər 3-5 dəqiqə burun qanadlarını barmaqlarınızla sıxın. Həm də burun dəliyinə əvvəlcədən hidrogen peroksidlə isladılmış cuna çubuğunu daxil edə bilərsiniz.

Burun qanaması zamanı aşağıdakıları etməyin: 

Ayaqlarınızın başınızdan yüksək olduğu bir vəziyyətə qoyaraq uzanmayın və ya oturmayın. Bu, qan axınının artmasına səbəb olacaq.

Bundan əlavə, başınızı arxaya əyməyin. Mədəyə daxil olan qan qusmağa səbəb ola bilər. Bəzən bu mövqeyə görə qan tənəffüs yollarına daxil olur və bununla da tənəffüs çətinliyinə səbəb olur.

Qanaxmanı dayandırdıqdan sonra təzyiqinizi artırmamaq və başqa bir qanaxmaya səbəb olmamaq üçün bir müddət kofeinli yemək və içkilərdən çəkinməlisiniz.