Xəstəxana var,həkim yox — Sakinlər nə etsinlər?

news/2025_12_01/1000215631_1764579281.webp

ŞİKAYƏTLƏR

893

01.12.2025, 12:50

Tərtər Rayon Mərkəzi Xəstəxanasında həkim çatışmazlığı ciddi problemə çevrilib.

Oxu24.com xəbər verir ki,müasir tibbi avadanlıqlarla təchiz olunmasına baxmayaraq, Tərtər Rayon Mərkəzi Xəstəxanasında həkim çatışmazlığı səbəbindən ağır yaralıların əməliyyat olunması mümkün deyil. Bu isə rayon sakinlərini digər bölgələrə üz tutmağa məcbur edir.

121 çarpayılıq Tərtər Mərkəzi Rayon Xəstəxanası 2012-ci ildə əsaslı təmir edilərək istifadəyə verilib.

Lakin xəstəxanada ixtisaslaşmış həkimlərin olmaması səbəbindən yalnız ilkin tibbi yardım göstərilir.

Daha ciddi müdaxilə tələb edən xəstələr isə məcburi şəkildə Bərdə Rayon Mərkəzi Xəstəxanasına göndərilir.

Oxu24.com-a danışan sakinlərin sözlərinə görə, bu hal həm əlavə vaxt itkisinə, həm də xərclərin artmasına səbəb olur.

Həmçinin oxuyun

Politoloqdan ŞOK AÇIQLAMA: Azərbaycan rəsmi şəkildə İrandakı proseslərə...

Baş nazirdən maaşlarla BAĞLI QƏRAR

Mahmud Abbasın 21 illik liderliyi: Erməniləri qardaş,bizi düşmən gözündə gördülər...

İlham Əliyev onu vəzifəsindən azad etdi - FOTO

Bərdə Rayon Mərkəzi Xəstəxanasından bildirilib ki, onlara müraciət edənlərin sayı ildən-ilə artır. Bu artımın əsas səbəbi kimi isə Tərtərdə yaşanan həkim çatışmazlığı göstərilir.

Məsələ ilə bağlı TƏBİB-dən verilən açıqlamada qeyd olunub ki, Tərtər Rayon Mərkəzi Xəstəxanasına zəruri ixtisaslar üzrə həkimlərin cəlb edilməsi istiqamətində işlər aparılır. Hazırda xəstəxananın ən çox ehtiyac duyduğu mütəxəssislər sırasında müxtəlif sahələr üzrə cərrahlar, travmatoloq, uroloq, qastroenteroloq, kardioloq, hepatoloq, neyrocərrah, onkoloq, şüa diaqnostika (rentgen) üzrə həkim, nevropatoloq, pulmonoloq və anestezioloq yer alır.

Sakinlər isə illərdir davam edən bu problemin qısa zamanda həllini gözləyir.

Hazırladı: Nigarxanım