"TikTok"da bunu edənlər tutulacaq - Araşdırma

news/2025_12_01/1735036080_capture_1764582772.png

KRİMİNAL

583

01.12.2025, 13:49

“TikTok”da cəmiyyətə qarşı hörmətsizlik və qeyri-etik paylaşımlar edənlərə qarşı tədbirlər görülür.

Oxu24.com xəbər verir ki,son dövrlərdə sosial şəbəkələrdə, xüsusilə də “TikTok” platformasında cəmiyyətə qarşı hörmətsizlik, etik dəyərlərə zidd davranışlar və mənfi nümunə yaradan videoların artması müşahidə olunur.

Belə paylaşımlar ictimai qaydalara, əxlaqi norma və dəyərlərə zidd olmaqla yanaşı, gənclərin davranışlarına da mənfi təsir göstərir.

Mütəxəssislər bildirirlər ki, bəzi istifadəçilər izlənmə və populyarlıq qazanmaq məqsədi ilə ictimai yerlərdə səs-küy salmaq, insanları narahat etmək, kobud ifadələrdən istifadə etmək və hətta sosial həssas mövzuları məsxərəyə qoymaq kimi hallara yol verirlər. Bu cür videolar təkcə mənəvi dəyərlərin aşınmasına səbəb olmur, həm də platformanın istifadə qaydalarını pozur.

Həmçinin oxuyun

Politoloqdan ŞOK AÇIQLAMA: Azərbaycan rəsmi şəkildə İrandakı proseslərə...

Baş nazirdən maaşlarla BAĞLI QƏRAR

Mahmud Abbasın 21 illik liderliyi: Erməniləri qardaş,bizi düşmən gözündə gördülər...

İlham Əliyev onu vəzifəsindən azad etdi - FOTO

Qeyd olunur ki, “TikTok” administrasiyası cəmiyyət üçün təhlükəli və qeyri-etik kontentə qarşı mütəmadi şəkildə monitorinq aparır, qaydaları pozan hesabları məhdudlaşdırır və ya bloklayır. Ekspertlər istifadəçiləri sosial şəbəkələrdən məsuliyyətlə istifadə etməyə, başqalarının hüquq və ləyaqətinə hörmətlə yanaşmağa çağırırlar.

Eyni zamanda valideynlərə, pedaqoqlara və gənclərlə işləyən qurumlara sosial media davranışları ilə bağlı maarifləndirmə işlərini artırmaq tövsiyə edilir. Cəmiyyətə qarşı hörmətsizlik halları ilə bağlı şikayətlər isə platformanın daxili şikayət mexanizmləri və hüquq-mühafizə orqanlarının müvafiq qaydaları əsasında araşdırıla bilər.

DİN tərəfindən sosial şəbəkələrdə cəmiyyətə qarşı hörmətsizlik, küçə davranış qaydalarının pozulması və etik normaların tapdanması ilə bağlı paylaşımlar davamlı olaraq monitorinq edilir. Şübhəli kontent paylaşan şəxslərə qarşı qanun çərçivəsində tədbirlərin görülür.

Hazırladı: Miri Məcidli