Vərəsə olmaq istəyən şəxslər bunları BİLMƏLİDİRLƏR    —   VƏKİL AÇIQLADI

Vərəsəlik hüququ  kimlərə verilə bilər?

Oxu24.com  xəbər  verir  ki,insan dünyasını dəyişəndən sonra onun əmlakı, borcları və digər hüquqları Qanunvericilikdə nəzərdə tutulan qaydada vərəsəsinə keçir.

Lakin, təcrübə göstərir ki, miras məsələsi bir çox hallarda  anlaşmazlıq və mübahisələrə səbəb olur.

Kim vərəsə sahibi sayılır? Pay necə bölüşdürülməlidir? Kim hansı əmlaka iddia edə bilər?

Oxu24.com  xəbər  verir  ki,bu kimi suallara aydınlıq gətirmək üçün Azərbaycan Vəkillər Kollegiyasının üzvü, vəkil Şəms Mirzəyeva  suallarımızı cavablandırıb.

Həmçinin oxuyun

İcra başçıları KÜTLƏVİ ixtisarlara başladı – Vəzifələr niyə ləğv edilir?

Azərbaycanda iki tələbənin MEYİTİ TAPILDI

Bu şəxslərə vergi güzəşti olacaq - SİYAHI

Yanvarın 15-də bizi nələr GÖZLƏYİR? - BÜRCLƏR 

Vəkilin sözlərinə görə,Mülki Qanunvericiliyə görə vərəsəlik hüququ  2 formada yaranır. Vəsiyyət və qanun üzrə.

"Əgər dünyasını dəyişmiş şəxs vəsiyyət etməyibsə miras qanunun müəyyən etdiyi növbələrə uyğun bölüşdürülür. Birinci növbədə ölənin övladları, rəsmi nikah əsasında olan həyat yoldaşı və valideynlər miras hüququ əldə etmiş olurlar. Onlar mövcud olduqda digər qohumların mirasa çıxışı mümkünsüz olur. Birinci növbə olmadıqda, ikinci növbə qardaş, bacılar, nənə, babalar və onların övladları miras hüququ qazana bilərlər, Ümumiyyətlə, vərəsəlik hüququ,onun tətbiqi çətin və eyni zamanda mübahisəli sahədir. Vərəsəlik yalnız miras qalmış əmlakın kimə keçməsi ilə məhdudlaşmır. Vərəsələr ölüm faktını təsdiq edən sənədlərlə birlikdə notariusa müraciət etməlidirlər. Mirası qəbul etmiş şəxs dünyasını dəyişənin təkcə maddi nemətlərini deyil, həm də eyni zamanda onun borcları varsa, miras qəbul eləyən zaman borclarını da qəbul etmiş olur. Bu o deməkdir ki, yəni ölən şəxsin hər hansı digər şəxslərə borcları varsa və ölənin hər hansı əmlakı qalıbsa vərəsə mütənasib olaraq onun borclarını da qəbul etmiş olur. 

Konstitusiya Məhkəməsinin vərəsəliyə dair son qərarından sonra əvvəlki 6 aylıq məhdudiyyət müddəti artıq tətbiq olunmur. Son dəyişikliyə əsasən vərəsəlik şəhadətnaməsi verilən zaman vərəsəlik üçün müraciət etməyən şəxslərin də hüquqları təmin ediləcək. Belə ki, notarius vərəsəlik şəhadətnaməsinin əldə olunması üçün müraciət edən vərəsəyə şəhadətnamə verərkən vərəsə olan, lakin şəhadətnamə almaq üçün müraciət etməyən digər şəxslərin də mirasdan onlara çatacaq paylarını müəyyən edərək həmin şəhadətnamədə göstərilir”,-deyə vəkil Şəms Mirzəyeva bildirib.

Miri Məcidli