Çıxarışı olmayan evə  məhkəmə həbs qoya bilərmi? - Hüquqi YARDIM 

Bu dəfə təqdim etdiyimiz mövzu evlərə qoyulan həbslə bağlıdır.

Mövzu ilə bağlı Oxu24.com-a danışan hüquqşünas Ellada Bayramova bildirib ki,çıxarışı olmayan evlərə də həbs qoyula bilər.

Hüquqşünasın sözlərinə görə,çıxarışın mövcud olub-olmaması mülkiyyət üzərinə həbs qoyulmasına mane olmur. Burada əsas meyar mülkiyyət faktının mövcudluğudur (tikili, torpaq və ya faktiki istifadə edilən əmlak).

Azərbaycan Respublikasının Mülki Prosessual Məcəlləsinin 159–163-cü maddələrinə görə, iddia təminatı kimi məhkəmə daşınmaz əmlakın satışını və ya istifadə edilməsini qadağan edə bilər;daşınmaz əmlak üzərinə həbs (qadağa) qoya bilər.

Həmçinin oxuyun

İcra başçıları KÜTLƏVİ ixtisarlara başladı – Vəzifələr niyə ləğv edilir?

Azərbaycanda iki tələbənin MEYİTİ TAPILDI

Bu şəxslərə vergi güzəşti olacaq - SİYAHI

Yanvarın 15-də bizi nələr GÖZLƏYİR? - BÜRCLƏR 

Bu zaman əmlakın mütləq çıxarışla rəsmiləşmiş olması tələb olunmur.

“Daşınmaz əmlakın dövlət reyestri haqqında” Qanunun 8-ci maddəsinə görə, daşınmaz əmlak üzərində hüquqlar qeydiyyata alınmasa belə, hüquqi münasibət mövcuddur, sadəcə qeydə alınmamış hesab edilir. Bu, məhkəmənin həmin əmlak barəsində təminat tədbiri görməsinə mane olmur.

Çıxarışsız ev hansı hallarda həbs edilə bilər?

Həbs (qadağa) aşağıdakı hallarda tətbiq oluna bilər:

Məhkəmə iddiası vardır:Borc, mübahisə, aliment, kredit və s.

Tikili faktiki olaraq mövcuddur:Tam tikilib, yaşayış var və ya istifadə olunur torpaq sənədi var, ev isə rəsmiləşməyib.Həmçinin torpaq çıxarışlıdırsa, üzərindəki evə də həbs qoyula bilər.

Nə vaxt həbs qoyula bilməz?

Aşağıdakı hallar çıxarışsız evə həbsin mümkünlüyünü məhdudlaşdıra bilər:

Tikili yoxdur, yalnız layihə var- Həbs mümkün deyil (əmlak faktiki mövcud deyil)

Sənəd yoxdur və fakt da sübut edilmir -Fakt olmadan hüquq da yoxdur

Torpaq dövlət mülkiyyətindədir, istifadəyə verilmir -Ev qeyri-qanuni hesab edilə bilər.

Çıxarışsız evə qoyulan həbsin nəticələri

Əmlak satıla, bağışlana, ipoteka edilə bilməz.

Bank krediti ilə rəsmiləşdirmə dayandırılır.

Bəzi hallarda evin sənədləşdirilməsi məhdudlaşdırıla bilər.

Həbs, çıxarışın alınmasına tam mane olmur, amma qeydiyyat orqanı (Əmlak Məsələləri Dövlət Xidməti) çıxarış verməzdən əvvəl həbsin götürülməsini tələb edə bilər.  Çıxarışsız evə həbs qoyula bilər, çünki qanunda əsas şərt mülkiyyət faktının olmasıdır, çıxarışın olması yox. Həbs həm məhkəmə iddiası ilə, həm də icra məmurunun qərarı ilə qoyula bilər.

Hazırladı: Miri Məcidli