Azərbaycan-Belarus hərbi əməkdaşlığının inkişaf perspektivləri müzakirə olunub — AÇIQLAMA

HƏRBİ

699

16.09.2026, 23:49

Xəbərlərimizi Google-da izləyin

Yeniliklərdən dərhal xəbərdar olun

13-cü Pekin Syanşan Forumunda iştirak etmək məqsədilə Çin Xalq Respublikasında işgüzar səfərdə olan Azərbaycan Respublikasının müdafiə naziri general-polkovnik Zakir Həsənovla Belarus Respublikasının müdafiə naziri general-leytenant Viktor Xrenin arasında ikitərəfli görüş keçirilib. Görüşdə nazirlər Azərbaycan ilə Belarus arasında hərbi və hərbi-texniki əməkdaşlığın inkişaf perspektivlərini, həmçinin qarşılıqlı maraq doğuran digər mövzuları geniş müzakirə ediblər. Hazırkı mürəkkəb geosiyasi proseslər fonunda iki ölkə arasında hərbi sahədə strateji tərəfdaşlığın dərinləşməsi xüsusi diqqət cəlb edir. Tərəflər regional təhlükəsizlik və ordunun modernləşdirilməsi istiqamətində birgə adımların atılmasını vacib hesab edirlər. Son dövrlər hərbi heyətlərin qarşılıqlı səfərlərinin intensivləşməsi də bu əməkdaşlığın dinamik xarakter daşıdığını göstərir. Ekspertlərin fikrincə, bu cür yüksəksəviyyəli təmaslar hər iki ölkənin müdafiə potesialının güclənməsinə birbaşa xidmət edir.

Mövzu ilə bağlı Oxu24.com-a açıqlama verən hərbi ekspert Üzeyir Cəfərov Azərbaycan-Belarus hərbi münasibətlərinin hazırkı vəziyyətini və perspektivlərini dəyərləndirib.

Ekspert bildirib ki, Çində keçirilən Şyanşan forumunda Azərbaycan Müdafiə Nazirliyinin nümayəndələri ilə həm Çin Müdafiə Nazirliyi, həm də mətbuatdan Belarusun Müdafiə naziri Viktor Xrenin arasında görüş keçirilib:

“Bilirsiniz ki, Azərbaycan ilə Belarus arasında həm iqtisadi, həm siyasi, həm də hərbi sahədə çox sıx əlaqələr mövcuddur. İki ölkə arasında hərbi və hərbi-texniki əməkdaşlığın inkişaf perspektivləri çox genişdir”.

Onun sözlərinə görə, son vaxtlar Belarus nümayəndə heyətinin Azərbaycana, Azərbaycan nümayəndə heyətinin isə Belarusa səfərləri olub. Elə sonuncu dəfə Azərbaycan Müdafiə Nazirliyinin Hərbi Polis İdarəsinin rəisi, general-mayor Elgün Əliyevin rəhbərlik etdiyi nümayəndə heyəti Belarusda səfərdə idi. Tərəflər arasında qarşılıqlı maraq doğuran məsələlər və əlaqələrin inkişaf perspektivləri müzakirə olundu.

Üzeyir Cəfərov qeyd edib ki, Azərbaycan-Belarus hərbi əməkdaşlığı artan xətt üzrə inkişaf edir, tərəflər bir-birinin təcrübəsindən yararlanırlar:

“Hər ölkənin özünəməxsus hərbi yolu və ənənələri var. Ümid edirəm ki, bu əməkdaşlıq hər iki tərəfə fayda gətirəcək”.

Beləliklə, Azərbaycan və Belarus arasında hərbi və hərbi-texniki sahələrdə əməkdaşlığın müxtəlif istiqamətlər üzrə inkişaf etdiyi görünür. Qarşılıqlı səfərlər və yüksəksəviyyəli görüşlər tərəflərin mövcud əlaqələri daha da genişləndirmək niyyətini nümayiş etdirir. Ekspertin fikrincə, hər iki ölkənin hərbi təcrübə mübadiləsinin davam etdirilməsi və qarşılıqlı maraq doğuran istiqamətlərdə əməkdaşlığın genişləndirilməsi gələcəkdə əlaqələrin inkişafına töhfə verə bilər.

Çimnaz Telmanqızı

Həmçinin oxuyun