NATO admiralı Ukraynanın tankerlərə endirdiyi zərbələrə cavab verməyə çağırır

DÜNYA

574

01.12.2025, 19:49

Xəbərlərimizi Google-da izləyin

Yeniliklərdən dərhal xəbərdar olun

Abunə ol

Ankara Ukrayna Silahlı Qüvvələrinin (Ukrayna AFU) Qara dənizdə tankerlərə endirdiyi zərbələrə cavab verməlidir.

Oxu24.com xəbər verir ki,bunu Türkiyə Hərbi Dəniz Qüvvələrinin təqaüddə olan kontr-admiralı Cem Gürdeniz bu çağırışı sosial media səhifəsində edib.

"Türkiyənin taxıl daşınmasının təhlükəsizliyini təmin etmək səyləri fonunda Kiyev və müttəfiqlərinin Türkiyə gəmilərini "cəzalandırmaq" və Türkiyənin kontinental şelfinə təxribatçı hücumlar təşkil etmək cəhdləri qəbuledilməzdir", - deyə dəniz zabiti vurğulayıb.

Türkiyənin "Mavi Vətən" müdafiə doktrinasının həmmüəllifi olan Gürdeniz Türkiyənin "bu cür hadisələri görməzdən gələ bilməyəcəyini" və öz maraqlarına və beynəlxalq hüquqa uyğun olaraq müvafiq şəkildə cavab verməli olduğunu bir daha təkrarlayıb.

28 noyabrda Afrika bayrağı altında üzən bir neçə neft tankerinə endirilən zərbələr barədə ilk məlumatlar yayılıb.

Misirdən Novorossiyskə gedən Kairos gəmisi Türkiyə sahillərindən 28 mil məsafədə yanğına məruz qalıb. Sevastopoldan Türkiyəyə gedən Virat gəmisi isə Türkiyə sahillərindən 35 mil məsafədə ikinci dəfə zədələnib. Rəsmi olaraq, hər iki gəminin "xarici zərbə" nəticəsində vurulduğu bildirilib. Qara dənizdəki tankerlərə Ukrayna Təhlükəsizlik Xidmətinin (SBU) pilotsuz "Sea Baby" qayıqları hücum edib. SBU və Ukrayna Hərbi Dəniz Qüvvələri video sübutlar yayımlayaraq məsuliyyəti öz üzərinə götürüblər.

Nigar

Həmçinin oxuyun