Bu ölkələrə SƏYAHƏT ETMƏYİN!- XƏBƏRDARLIQ

Son aylar dünyanın bir sıra ölkələrində yayılan viruslar (Ebola, Hantavirus) səbəbindən bəzi ərazilərdə karantin rejimləri elan edilib. Avropa və Afrika ölkələri sərhədlərində ciddi yoxlamalar başladılıb. Bu isə qarşıdan gələn yay mövsümündə turizm sektoruna təsir edəcək.

Turist axını, xidmət, aviareyslərin qiymətində nələr gözlənilir?

Oxu24.com  xəbər verir ki məsələ ilə bağlı Liberal İqtisadçılar Mərkəzinin sədri Akif Nəsirli Ajans.az-a açıqlama verib.

O bildirib ki,  son aylarda müxtəlif ölkələrdə virus təhlükələrinin yenidən gündəmə gəlməsi beynəlxalq turizm sektorunda müəyyən narahatlıq yaradır. Xüsusilə sərhəd nəzarətlərinin gücləndirilməsi və bəzi regionlarda karantin tədbirlərinin tətbiqi insanların səyahət qərarlarına təsir edə bilər. Bu baxımdan yay mövsümündə turist axınında müəyyən azalma ehtimalı istisna deyil. 

“İnsanlar daha təhlükəsiz hesab etdikləri istiqamətlərə üstünlük verməyə başlayırlar.

Azərbaycan üçün isə vəziyyət daha çox qlobal proseslərin inkişafından asılı olacaq. Əgər regionda epidemioloji risklər artmasa, ölkəyə turist axınının tam dayanacağı gözlənilmir. Lakin müəyyən ehtiyatlılıq səbəbindən əvvəlki proqnozlarla müqayisədə turist sayında qismən azalma müşahidə oluna bilər.”

Ekspert deyib ki, digər ölkələrdə isə xüsusilə turizmdən ciddi asılı olan iqtisadiyyatlar müəyyən maliyyə itkiləri ilə qarşılaşa bilər. Otel, restoran, nəqliyyat və xidmət sektorlarında gəlirlərin azalması mümkündür.

“Hazırkı mərhələdə Azərbaycanda sərt karantin rejiminin yenidən tətbiqi real görünmür. Çünki həm pandemiya dövrünün təcrübəsi, həm də iqtisadi faktorlar hökumətləri daha balanslı qərarlar verməyə sövq edir. Daha çox nəzarət tədbirləri, tibbi yoxlamalar və profilaktik addımların gücləndirilməsi ehtimalı var. Yalnız ciddi epidemioloji təhlükə yaranacağı halda məhdudiyyətlər gündəmə gələ bilər.”

Onun sözlərinə görə, turist axınının azalması qiymətlərə də təsirsiz ötüşməyəcək. Əgər turist sayı azalarsa, otel və turizm xidmətlərində müəyyən endirimlər və kampaniyalar müşahidə oluna bilər. Əksinə, bəzi hallarda əlavə təhlükəsizlik və logistika xərcləri xidmət qiymətlərinin artmasına da səbəb ola bilər. Yəni qiymət siyasəti daha çox bazardakı tələb və vəziyyətin inkişafından asılı olacaq.

Həmçinin oxuyun

Bakıda yaşayanlara mühüm xəbər:Hansı dəyişiklik OLACAQ?

Yüksək vəzifəyə təyinat aldı  —  ƏMR İMZALANDI

Milli Hidrometeorologiya Xidməti xəbərdarlıq yaydı: 40 dərəcə isti olacaq

Elgiz Əkbər açıqladı: Yeni layihə gəlir -VİDEO