Azərbaycanda bina ÇÖKDÜ - FOTO

CƏMİYYƏT

1137

26.11.2025, 22:27

Goranboyda yararsız hala düşən 5 mərtəbəli yaşayış binasının 5-ci bloku tamamilə çöküb.

Oxu24.com APA-ya istinadən xəbər verir ki, hadisə bu gün axşam saat 21 radələrində qeydə alınıb.

Belə ki, sözügedən binanın həmin bloku anidən uçub. Əvvəldən sakinlər köçürüldüyü üçün hadisə zamanı binada heç kim olmayıb və nəticəsində xəsarət alan olmayıb.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Əraziyə Goranboy Rayon İcra Hakimiyyətinin başçısı Məhərrəm Quliyev, FHN aran regional mərkəzinin rəisi polkovnik-leytenant Ramin Orucov, rayon polis şöbəsinin əməkdaşları və digər aidiyyəti qurumların nümayəndələri, həmçinin FHN-nın Dövlət Yanğından Mühafizə Xidmətinin Goranboy Rayon Dövlət Yanğından Mühafizə Hissəsinin yanğınsöndürənləri də cəlb edilib. Ərazidə hazırda tədbirlər görülür.

Goranboy rayon İcra Hakimiyyəti başçısının birinci müavini, rayon Fövqəladə Hallar Komisiyasının sədri Seymur Nazarov bildirib ki, bir neçə gün əvvəl Goranboy şəhəri, Cəfər Cabbarlı küçəsi, 4 ünvanında yerləşən 60 mənzili binanın 5-ci girişinin birinci mərtəbəsi uçmuşdu. Həmin gündən rayonda FH komissiyasının və aidiyyəti qurumların iştirakı ilə sakinlər təxliyə edilmişdi və binada yaşayış yox idi.

“Bu gün axşam saat 21:30 radələrində binanın 5-ci girişi tamamilə çöküb. Aparılmış tədbirlər nəticəsində əhalinin girişi məhdudlaşdırıldığı üçün binada heç kəs olmayıb. Buna görə də xəsarət alan olmayıb. Rayonun bütün qurumları hadisə yerindədir”, - o əlavə edib.