Penitensiar Xidmətin Mühafizə Alayında kütləvi işdən çıxarılmalar nə ilə əlaqəlidir? - DETALLAR

CƏMİYYƏT

3034

26.11.2025, 17:13

Ədliyyə Nazirliyinin Mühafizə Alayında kütləvi işdən çıxarılmalar baş verir.

Oxu24.com xəbər verir ki,Penitensiar Xidmətin Mühafizə Alayında kadr yenilənməsi çərçivəsində bir sıra əməkdaşların işdən azad edilməsi ilə bağlı qərarlar qəbul edilib.

İşdən çıxarılmalar həm intizam qaydalarının pozulması, həm də xidməti vəzifələrin lazımi səviyyədə yerinə yetirilməməsi halları ilə əlaqələndirilir.

Məlumata görə, aparılan daxili yoxlamalar zamanı xidmət intizamının zəifləməsi, nizam-intizam pozuntuları, etik davranış qaydalarına əməl edilməməsi və işə məsuliyyətsiz yanaşma kimi faktlar qeydə alınıb. Bu səbəbdən həmin əməkdaşlarla əmək münasibətlərinə xitam verilib.

Mühafizə Alayında paralel olaraq kadr islahatları davam etdirilir. Boşalan vəzifələr üzrə açıq müsabiqələr keçirilir, peşəkarlıq, fiziki hazırlıq və psixoloji dayanıqlıq əsas seçim meyarları kimi tətbiq olunur.

Yenilənmə prosesinin qarşıdakı aylarda da davam etdirilməsi, alayın şəxsi heyətinin tam şəkildə modern tələblərə uyğunlaşdırılması gözlənilir.

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Qeyd edək ki, Mühafizə Alayının komandiri vəzifəsinə sentyabr ayından polkovnik-leytenant Bəxtiyar Məmmədov təyin edilib. Oktyabr ayında isə komandirin müavini - qərərgah rəisi polkovnik Vüqar Novruzov ehtiyata buraxılıb. Bir sıra zabitlər isə işdən çıxarılıb.

Bu gün yerli mediada yayılan xəbərlərə görə,vəzifələrinin icrası zamanı kobud pozuntulara yol verdiklərinə görə Ədliyyə Nazirliyinin Penitensiar xidmətinin Daxili təhqiqat şöbəsinin rəisi Fəqan Yaqubovun və ədliyyə orqanlarının sərəncamında olan Altay Abdullayevin ədliyyə orqanlarından xaric edilərək qulluq keçmələrinə xitam verilib.