Bakı 28°C
USD - 1.7010
EUR - 1.9120
RUB - 0.026
64094
az

Çox tərləmə nədən xəbər verir? - Gizlin inkişaf edən xəstəliklər

22:1920 Yanvar, 2022
363
TİBB
  • A

Tərləmə insan orqanizminin təbii funksiyasıdır. Tərləmə zamanı insan orqanizmindən toksiki maddələr ifraz olunur.

"Ağır fiziki iş zamanı və isti havada insan fəal şəkildə tərləyir. Dərinin üzərinə çıxan tər tez buxarlanır və bunun nəticəsində dəri soyuyur".

Dermatologiya üzrə mütəxəssis Dr. Selma Uçar, tərləmə probleminin, sistemik xəstəliyin xəbərçisi ola biləcəyini bildirib.

Oxu24.com medicina.az-a istinadla həmin açıqlamanı təqdim edir.

"Bədənin isti-soyuq tarazlığını tərləmə saxlayır. Vücudda 2-4 milyon tər vəziləri var. Bunlar qadınlarda çox olmasına baxmayaraq kişilərdə daha aktivdir. Tərləmə həyəcan, fiziki hərəkətlər, qorxu, əsəbilik kimi vəziyyətlərdə daha da aktivləşir. Lakin bu kimi səbəblər yoxdur, tərləmə isə həddindən çoxdursa, orqanizmdə problem var.

Bu durumun altında yatan səbəb adətən metabolik, hormonal xəstəlik, yaxud istifadə edilən dərmanlar ola bilər. Əl, ovuc içi, qoltuqaltı, üz ilə ayaqlarda yaranan aşırı tərləmənin altında isə adətən hər hansı bir səbəb olmur. Ancaq bütün bədəndə olan tərləmənin infeksiya, ürək xəstəliklərindən ağciyər problemlərinə qədər bir çox xəstəliyin xəbərçisi ola bilər. Ona görə də belə probleminiz olanda əvvəlcə həkimə müraciət etməlisiniz ki, altında yatan səbəb müəyyən olunsun".

18-30 yaş arasında daha çox müşahidə edilən lokal tərləmə sosial həyata təsirsiz ötüşmür.

"30 yaşdan sonra ifrat tərləmə problemi daha çox meydana çıxır. Çox tərləmə və eyni zamanda sinədə ağrı, qızdırma, nəbzin sürətli vurması, nəfəs darlığı, arıqlama, kimi hallar varsa ən tez vaxtda həkimə müraciət edin. Xüsusilə ümumi bir tərləmə artımı varsa, sistematik bir xəstəlik düşünülüb araşdırılaraq lazımi tədbirlər görülməlidir.

Həddindən artıq tərləməyə hormonal xəstəliklər səbəb olur. Tərləmə maddələr mübadiləsinin nəticəsi olaraq ortaya çıxdığından xüsusilə bədən maddələr mübadiləsini sürətləndirən xəstəliklər əvvəlcə araşdırılmalıdır. Tiroid vəzinin (qalxanabənzər vəzinin) həddindən artıq işləməsi, yəni hipertireoz, ən çox hallarda həddindən artıq tərləməyə səbəb olan sistematik xəstəlikdir.

Buna görə bu xəstəliyin digər əlamətləri olan çəki itkisi, əllərdə titrəmə, həddindən artıq əsəbilik, saç tökülməsinin olub-olmadığına baxılır.

Qalxanabənzər vəzinin hormonları ilə yanaşı bəzi digər hormonların ifrazının artması da həddindən artıq tərləməyə səbəb olan digər hormonal xəstəlikdir.

Həddindən artıq çəki də tərləmənin digər bir səbəbi sayılır".

Oxu24.com

ŞƏRHLƏR

BÖLMƏNİN ÇOX OXUNANLARI

Uşaqlar arasında qəfil ölümün səbəbləri: Valideyn, yoxsa həkim səhlənkarlığı? - VİDEO
Göbələk xəstəlikləri
Yazda ən çox yoluxduğumuz infeksiyalar: Necə qorunaq?

Günəşdə ən yüksək dərəcəli daha bir partlayış baş verdi

18+

Məktəbli qızın telefonuna əxlaqsız video göndərən kişi axtarılır
Evində ölü tapılan müğənni ilə bağlı AÇIQLAMA +VİDEO
Ucar rayonunun kəndləri bir neçə saatdır işıqsız qalıb
Əməköməcinin Bilmədiyiniz İNANILMAZ FAYDASI
Şəmkirdə müğənni qəzaya düşdü, oğlu öldü