Arıq, incə qız–oğlan görüşür, evlənir və artıq bir ailə kimi daha çox vaxt keçirir, bir yeyib, bir içir.
Bir də onda ayılırlar ki, qədd qamətli ər qarınlı kişiyə, 56 kiloqramlıq incə, zərif qız isə 70 kiloluq qadına dönüb. Bundan sonr adətən kişilər tərəfindən qadının kilosuna, bədəninə iradlar başlayır, xəyallar suya dönür, ya da bununla barışıb yaşayırlar. Evlənəndən sonra ər-arvadın kökəlməsi ta qədimdən sübut olunmuş faktdır. Onun tibbi izahı da var.

Toydan sonra kökəlməyin 5 səbəbini təqdim edirik.

1. Qarşı tərəfin vərdişləri
Amerika tədqiqatçıları hesablayıb ki, evlilikdən keçən ilk 5 ildə qadınlar 10 kq, kişilər isə 13 kq kökəlir. 25 yaşa kimi evlənən cütlüklərdə kökəlmə daha sürətlə gedir.

2. Romantik içki axşamı

Statistika göstərir ki, evləndikdən sonra cütlüklər daha çox alkoqol, şərab, pivə alıb, birgə içir və daha çox qadınlar kişilərə qoşularaq bu vərdişi qazanır.

Belə daha romantikdir düşünərək, spirtli içki qəbulundan sonra həm yağlı, həm də duzlu qidalara meyl artır.

3. Qısqanclıq, şübhələr

Evləndikdən sonra cütlüklər bir-birinə soyuyacağından qorxur, qadınlar ərindən şübhələnir, bir balaca soyuqluq, diqqətsizlik onların qısqanclıq krizinə salır. Nəticədə piylənmə qaçılmazdır. Əgər kişi qadının fiqurasının dəyişdiyini üzünə deyirsə, bu onu daha da çıxılmaz duruma salacaq.

4. Çox sevmək də səbəbdir
Qarşı tərəfə aşiqliq, vurğunluq, çox sevmək də artıq çəki gətirir. Bunu alimlər bildirir. Araşdırmalar göstərib ki, nikahda xoşbəxt olduqca iştah da artır, çünki artıq insanda əminlik və təhlükəsizlik hissi artır. Hər şey yaxşıdırsa, deməli, yemək olar.

5. Hormonlar dəyişir

Qadınlarda ərə getdikdən sonra hormonal müharibə başlayır: gah kritik günlər, gah hamiləlik, gah südvermə, gah qorunma. Bunlar hamısı çəkini artıra bilir. Üstəlik bəzi hormonal preparatlar onların qızlıq görünüşünü dəyişir. Kişilər də uşaq doğulduqdan sonra kökəlməyə doğru gedir.

Uşağın qayğıları, gələcəyi və məsuliyyəti gənc atanı daha çox yeyərək bu hisslərin öhdəsindən gəlməyə sövq edir.

6. Qucaqlaşıb yatmaq
Bunu da elmi tədqiqatlar göstərib ki, birlikdə qucaqlaşıb yatan zamanı yuxuda kökəlmə proqramı işə salınır. Digər bir fakt isə əri xoruldayan qadınların gecə yuxusu pozulur, onlarda gecə stres hormonu sintez olur, bu da kökəlməyə səbəb olur.

Çıxış yolu: qidalanma rejimini qaydaya salmaq vəzifəsini qadın üzərinə götürür. Mütləq tərəzi alınıb, evdə çəki nəzarətdə saxlanılır.(medicina.az)

Müntəzəm seks, birgə idman, parkda qaçış və axşam gəzintisi kaloriləri yandırmağa kömək edir.