Döymə (tattoo) xərçəng riskini artırır?  

Müasir dövrdə gənclər və böyüklər arasında döymə (tattoo) etdirmək geniş yayılıb. Lakin estetik görünüşü ilə yanaşı, döymələrin insan sağlamlığına mümkün təsirləri də müzakirə mövzusudur. Xüsusilə döymə mürəkkəblərinin tərkibindəki bəzi maddələrin orqanizmə təsiri və xərçəng riski ilə mümkün əlaqəsi ilə bağlı araşdırmalar diqqət çəkir.

Oxu24.com xəbər verir ki, döymə zamanı istifadə olunan mürəkkəblərin tərkibində müxtəlif kimyəvi maddələr, o cümlədən bəzi hallarda ağır metallar ola bilər. 

Bədənimiz üçün bu, tamamilə yad bir maddədir və orqanizm onu özündən təmizləməyə çalışır. Bunun üçün də bədənə yeridilən mürəkkəb limfa damarları vasitəsilə limfa düyünlərinə daşınır və orqanizm tərəfindən parçalanmağa və xaric edilməyə çalışılır. Lakin bu proses hər zaman tam şəkildə baş vermir. 

2007–2017-ci illər arasında aparılan araşdırmada 12 min xərçəng xəstəsi üzrə müxtəlif risk faktorları araşdırılıb və döymə də nəzərdən keçirilən amillərdən biri olub.

Döymə ilə xərçəng arasında mümkün əlaqə ilə bağlı elmi araşdırmalar mövcuddur. Döymə etdirən insanlarda ilk iki il ərzində xərçəngə tutulma riskinin artdığı müşahidə edilə bilər. İki ildən 10 ilə qədər olan müddətdə bu risk nisbətən sabitləşsə də, 11 ildən sonra yenidən artım müşahidə oluna bilər. Bu baxımdan döymənin uzunmüddətli təsirləri də nəzərə alınmalıdır. 

Kiçik ölçülü döymə belə orqanizmə yad maddələrin daxil olması deməkdir. Bəzi araşdırmalarda döyməsi olan insanlarda xərçəng riskinin döyməsi olmayanlarla müqayisədə daha yüksək olduğu göstərilib. 

Qeyd edək ki, döymə ilə xərçəng arasında birbaşa səbəb-nəticə əlaqəsinin olub-olmaması ilə bağlı elmi araşdırmalar davam edir. Buna görə də döymənin mütləq şəkildə xərçəngə səbəb olduğunu iddia etmək düzgün olmaz. Bununla belə, döymə mürəkkəblərinin tərkibi və onların orqanizmdə uzunmüddətli qalması ilə bağlı mümkün risklər araşdırılmaqdadır.

Həmçinin oxuyun

SON DƏQİQƏ! DİN əməliyyat keçirib:Saxlanılanlar kimlərdir?

29 avqustda bizi nələr gözləyir? — ULDUZ FALI

TƏCİLİ! Baş nazir qərar imzaladı:2026-cı il 31 dekabr tarixinədək qüvvədədir

Bakıda bu ərazilər söküləcək — Kvadrata bu qədər pul veriləcək