Paxlalı yeməklər oğlan uşaqları üçün ölümcül ola bilər — Pediatr-hematoloqdan təcili xəbərdarlıq  

Uşaqların sağlam qidalanması valideynlərin hər zaman diqqət mərkəzində saxladığı ən mühüm məsələlərdən biridir. Lakin bəzən faydalı hesab edilən bəzi təbii qidalar uşaq orqanizmi üçün ciddi həyati təhlükəyə çevrilə bilər. Xüsusilə yazın sonu və yayın əvvəlində mövsümi olaraq bol istehlak edilən paxlalı tərəvəzlər bəzi irsi xəstəliyi olan uşaqlarda ağır fəsadlar yaradır. Qanın kəskin parçalanması ilə müşayiət olunan bu hal gözlənilmədən ortaya çıxaraq valideynləri böyük təşvişə salır. Həkimlər bildirirlər ki, orqanizmdə ferment çatışmazlığı olduğu zaman paxla qəbulu qan hüceyrələrinin məhvinə gətirib çıxarır. Bu xəstəlik daha çox irsi faktorlarla bağlı olduğundan xüsusi genetik xüsusiyyətləri ilə diqqət çəkir. Vaxtında müdaxilə edilmədikdə hətta ölümcül nəticələrə yol aça bilən bu təhlükəyə qarşı valideynlərin məlumatlı olması vacibdir. Mövzu ilə bağlı uşaq xəstəlikləri üzrə mütəxəssis tərəfindən təxirəsalınmaz xəbərdarlıq və tövsiyələr səsləndirilib.

Oxu24.com xəbər verir ki, mütəxəssis, pediatr-hematoloq dr. Mireldar Babayev paxlalı yeməklərin uşaq orqanizminə zərərləri və qanın parçalanması riski barədə xəbərdarlıq edib.

Həkim bildirib ki, paxla qəbulundan sonra qanın parçalanması baş verə bilər və bu hal xüsusilə mövsümlə əlaqədar olaraq yazın sonu, yayın əvvəlində daha çox təsadüf edilir:

"Son günlərdə uşaqların paxlalı aş və ya paxladan başqada  qida kimi istifadə etməsindən sonra bu hal yaranıb. Valideynlər gözləmədiyi halda uşaqda rəngin saralması, göz qişasının saralması, sidiyin tündləşməsi və hemoqlobinin kəskin aşağı düşməsi müşahidə olunur”.

Dr. Mireldar Babayev xəstəliyin irsi xarakter daşıdığını və əsasən oğlan uşaqlarında rast gəlindiyini vurğulayıb:

"Bu, irsi qan xəstəliyidir və əsasən oğlan uşaqlarında olur. Qız uşaqlarında iki X xromosomu olduğuna görə onlar daha çox konduktor (daşıyıcı) olurlar və xəstəliyə çox nadir hallarda rast gəlinir. Yalnız hər iki X xromosomunda genetik defekt olduqda qızlarda da təzahür edə bilər, lakin praktika göstərir ki, oğlan uşaqlarında rastgəlmə tezliyi dəfələrlə yüksəkdir”.

Mütəxəssis valideynlərə təcili müraciət etməyi tövsiyə edib:

"Valideynlər hökmən nəzərə almalıdırlar ki, qanın belə parçalanması hətta həyatın sonuna — ölümə gətirib çıxara bilər. Belə hallarda təxirə salınmadan təcili hematoloqa müraciət edilməlidir”.

Həmçinin oxuyun

Kredit borcuna görə zamin duranlara vacib xəbər  — VƏKİL AÇIQLADI

Rövşən Nəcəf  əmr imzalayıb

Onu DTX tutubmuş — YENİ DETALLAR ÜZƏ ÇIXDI

Pensiya və müavinətlərlə bağlı AÇIQLAMA