Solariumdan istifadə edənlərə ürək XƏBƏRDARLIĞI: "Gözəlliyinizə görə sağlamlığınızı qurban verməyin!"   

Yay mövsümünün sona çatması ilə əlaqədar bir çox qadınlar bürünc dəri rəngini qoruyub saxlamaq üçün solarium xidmətlərinə müraciət edirlər. Lakin süni yolla qaralma prosedurları ilk baxışdan yalnız estetik görünüş bəxş etsə də, pərdəarxasında insan orqanizmi üçün ciddi təhlükələr gizlədir. Xüsusilə dəri və ürək-damar sisteminə mənfi təsir göstərən bu prosedur mütəxəssislər tərəfindən birmənalı olaraq tövsiyə edilmir. Mütəxəssislər bildirirlər ki, görünüş xətrinə atılan bu addım gələcəkdə bərpası mümkün olmayan ağır fəsadlara yol aça bilər. Məhz bu səbəbdən solariumun orqanizmə vurduğu zərərlər və kardioloji risklər gündəmdə olan əsas mövzulardan biridir. Mövzu ilə bağlı Oxu24.com-a həkim-kardioloq Aynur Məmmədova müraciət edərək solariumun orqanizmə, xüsusən də kardioloji sistemə göstərdiyi dağıdıcı təsirlər haqqında geniş məlumat verib.

Kardioloq bildirib ki, solarium proseduru zamanı orqanizmə intensiv təsir edən ultrabənövşəyi (UV) şüalar bilavasitə qanın qatılaşmasına səbəb olur. Qanın qatılaşması nəticəsində isə ürək-qan dövranı sistemi normadan artıq yükə düşür və arterial qan dövranı kəskin şəkildə çətinləşir:

“Qan dövranının çətinləşməsi fonunda insanlarda təzyiqin ani olaraq düşməsi və ya kəskin şəkildə qalxması halları baş verir. Bununla yanaşı, ürək əzələsinin işində pozuntular yarana və ciddi ritm pozğunluğu (aritmiya) inkişaf edə bilər”.

Onun sözlərinə görə, ürəyində hər hansı anadangəlmə və ya sonradan qazanılmış xəstəliyi, patologiyası olan şəxslərin solarium prosedurlarına qatılması qətiyyətlə qadağandır. Bu insanlarda solarium infarkt və digər ağır kardioloji tutmalara zəmin yarada bilər:

“Solariumun mənfi təsirləri yalnız ürəklə məhdudlaşmır. Ultrabənövşəyi şüalanma gözlərin görmə qabiliyyətinin zəifləməsinə, saçların sürətlə tökülməsinə və ən təhlükəlisi — dəri xərçənginin (melanoma) yaranmasına birbaşa rəvac verir”.

Həkim-kardioloq Aynur xanım xəbərdarlığını bu sözlərlə yekunlaşdırıb:

"Müvəqqəti görünüş və gözəllik üçün sağlamlığınızı qurban verməyin!"

Həmçinin oxuyun

Prezident burada Şeyxülislama nə deyir? — Maraqlı dialoq

Prezident bu rayonun icra başçısını vəzifədən azad etdi

Azərbaycanın bu rayonlarında yaşayanlara 16 sentyabrla bağlı XƏBƏRDARLIQ

Əhaliyə şad xəbər: Milli Məclis bunu müzakirə edəcək