Türkiyənin tanınmış müğənnisi İbrahim Tatlısəs yerimək qabiliyyətini itirib.

Oxu24.com xəbər verir ki, “imperator” bu barədə instaqram hesabında paylaşım edib.

O, həkimə müraciət etdiyini, fizioterapevt müşayiəti ilə seanslara başladığını bildirib.

“Yenidən yeriyəcəyimə inanıram. Dualarınızı əsirgəməyin”, - sənətçi qeyd edib.

Xatırladaq ki, İbrahim Tatlısəs 14 mart 2011-ci ildə İstanbulun Maslak ərazisində “İbo Show” proqramından çıxarkən köməkçisi Buket Çakıcı və sürücüsü Hakan Çalışkan ilə birlikdə 5 nəfərin silahlı hücumuna məruz qalmışdı. Hadisədən sonra sənətçinin səhhətində ciddi problemlər yaranıb.