4 ölkə Belarusa qarşı bəyanat yaydı

Polşa, Litva, Latviya və Estoniya Daxili İşlər nazirliklərinin rəhbərləri birgə bəyanat yayaraq, Vaqner muzdlularının Belarusu tərk etmələrini tələb ediblər.

Oxu24.com xəbər  verir  ki, Polşanın daxili işlər naziri Mariuş Kaminski Baltikyanı ölkələrdən olan həmkarları ilə danışıqlardan sonra bildirib ki, onlar öz müraciətlərini Belarus hakimiyyətinə ünvanlayıblar.

Həmçinin öz bəyanatında dörd ölkənin nümayəndələri Belarusu Avropa siyasətçilərinin fikrincə, Belarus xidmətləri tərəfindən ora aparan qeyri-qanuni miqrantları sərhəd bölgəsindən dərhal çıxarmağa çağırıb.

Kaminski bildirib ki, Vaqner muzdlularının iştirakı ilə təhlükəli insident baş verərsə, Polşa və Baltikyanı ölkələr Belarusla sərhədlərini tamamilə bağlayacaqlar.

Vaqner üsyanı nəticəsində qrupun qurucusu Yevgeni Priqojin PMC-də qalmağa qərar verən muzdluların "Belarusa gedə biləcəkləri" ilə razılaşdı. Polşada bunu ölkə üçün “mənfi siqnal” adlandırdılar və sərhədi möhkəmləndirməyə başladılar. Avqustda məlum olub ki, Polşa hakimiyyəti Belarusla sərhəddə ümumilikdə 10 min hərbçi yerləşdirməyə qərar verib.

Polşa-Belarus sərhədində də son aylarda əsasən Yaxın Şərq və Afrika ölkələrindən Aİ-yə keçməyə çalışan miqrantların sayında da artım müşahidə olunub. Polşa hakimiyyəti Belarusu qeyri-qanuni miqrasiyaya şərait yaratmaqda ittiham edir.

 

Müəllif: Miri Məcidli