Moskvaya hücum olub

Ukrayna Silahlı Qüvvələri iyulun 4-də səhər saatlarında Rusiyanın paytaxtı Moskva şəhərinin Yeni Moskva rayonuna bir neçə pilotsuz uçuş aparatı (PUA) ilə hücum edib.

Oxu24.com TASS-a istinadən xəbər verir ki, bunu Moskvanın meri Sergey Sobyanin bildirib.

O deyib ki, itki və dağıntı qeydə alınmayıb.

Hücum Vnukovo hava limanı yaxınlığında yerləşən hərbi hissəyə və avia bazaya edilib.

Hücumla əlaqədar hava limanının fəaliyyətində tətbiq olunan məhdudiyyət aradan qaldırılıb. Aeroport hazırda adi iş rejimində işləyir.

Rusiya Müdafiə Nazirliyindən bildirilib ki, Moskvaya hücum edən 5 PUA vurulub.

Nazirlik hücumun Ukrayna tərəfindən edildiyini açıqlayıb.

Xatırladaq ki, yerli vaxtla saat 05.10-dan Moskvanın Vnukovo hava limanına məhdudlaşdırıcı tədbir həyata keçirilib. “Azur Air”, “UTair”, “Flydubai” şirkətlərinin təyyarələri Domodedovo hava limanına enib. Ümumilikdə, Vnukovo hava limanından 14 reys Moskvanın başqa aeroportlarına yönəldilib.

 

Nigar