Moskvada ukraynalı biznesmen Yevgeni Çernyak terrorizmin maliyyələşdirilməsi ilə bağlı cinayət işi üzrə axtarışa verilib.

Oxu24.com Rusiya mediasına istinadən  xəbər verir ki,Sahibkar cinayətkar sui-qəsddə və Rusiya ərazisində terror aktlarının həyata keçirilməsi üçün Ukrayna Silahlı Qüvvələrinə vəsait köçürməkdə ittiham olunur.

Rusiya Federasiyası Daxili İşlər Nazirliyinin rəsmi nümayəndəsi İrina Volkun sözlərinə görə, bu işdə şübhəli bilinən bir neçə şəxs artıq saxlanılıb.

"Beynəlxalq holdinqin benefisiar sahibi - spirtli içkilər istehsalçısı, həmçinin bu şirkətin digər təsisçiləri və menecerləri cinayətdə şübhəli bilinirlər", - Volk bildirib.

Rusiya İstintaq Komitəsi əlavə edib ki, müstəntiqlərin fikrincə, 2022-ci ilin fevralından aprel ayına kimi Çernyak və digər şəxslər ukraynalı yaraqlıları maliyyələşdirmək üçün cinayətkar sui-qəsd qurublar. Rusiya Federasiyası ərazisində terror aktlarının həyata keçirilməsi üçün 500 milyon rubl toplanıb.

"Bundan əlavə, 2023-cü ilin iyununda Çernyak VFU-nun hərbi personalına 90 milyon rubldan çox dəyərində mal alıb", - Rusiya Federasiyasının İstintaq Komitəsinin bəyanatında deyilir.

İstintaq çərçivəsində Çernyakın iştirakı müəyyən edilib. Ona kömək edənləri də müəyyənləşdiriblər. Onlar saxlanılıb. Cinayəti törədənlərdən biri artıq “Rüşvət vermə” və “Bir qrup şəxs tərəfindən rüşvət almada vasitəçilik” maddələri ilə ittiham olunub. İstintaq zamanı Moskva və Moskva vilayətində 10 axtarış aparılıb.

"Yaxın vaxtlarda benefisiarı Çernyak olan holdinqə daxil olan təşkilatların səhmlərinə həbs qoyulması məsələsinə baxılacaq", - məlumatda deyilir.

Qeyd edək ki, ukraynalı iş adamının cinayət fəaliyyətinin üstü Rusiya Daxili İşlər Nazirliyinin GUEBiPK-nın əməkdaşları, eləcə də Rusiya Daxili İşlər Nazirliyinin Moskva üzrə Baş İdarəsinin bölmələri və polis bölmələri sayəsində aşkarlanıb. Rusiya Federasiyasının Federal Təhlükəsizlik Xidməti.

Tərcümə: Nigar Oktayqızı