SON DƏQİQƏ! Ukrayna Rusiya üzərinə əks-hücuma keçib  — VİDEO

İyunun 4-də gecə saatlarında Ukrayna Yujno-Donets istiqamətində 5 sektorda genişmiqyaslı hücuma başlayıb.

Oxu24.com xəbər verir  ki, bu barədə  Rusiya Müdafiə Nazirliyi iyunun 5-nə keçən gecə bildirib.

İrəli nəzarət məntəqələrindən birində Rusiya Baş Qərargah rəisi Valeri Gerasimov olub. Rusiya Federasiyasının Müdafiə Nazirliyi bəyan edib ki, Ukrayna ordusu məqsədlərinə nail ola bilməyib.

Rusiya hərbi idarəsinin məlumatına görə, Ukrayna silahlı qüvvələri strateji ehtiyatlardan 23-cü və 31-ci mexanikləşdirilmiş briqadaları döyüşə cəlb edib, onlara digər hərbi hissələr və bölmələr dəstək verib. Altı mexanikləşdirilmiş və iki tank batalyonu hücumda  iştirak edib.

“Düşmənin məqsədi cəbhənin ən həssas hissəsində, onun fikrincə, müdafiəmizi yarmaq idi. Düşmən qarşısına qoyduğu tapşırıqları yerinə yetirə bilmədi, müvəffəq olmadı”, - Rusiya Müdafiə Nazirliyinin Teleqram mesajında ​​deyilir.

 

 

Tərcümə: Miri Məcidli