ABŞ dövlət katibi Entoni Blinken bildirib ki, Rusiyada yaşayan və ya Rusiyaya səfər edən Amerika vətəndaşları dərhal Rusiya Federasiyasını tərk etməlidirlər.

Oxu24.com xəbər  verir  ki, ABŞ dövlət katibi bu bəyanatı “The Wall Street Journal” qəzetinin jurnalisti Evan Qerşkoviçin həbsi fonunda verib. Blinkenin sözlərinə görə, Dövlət Departamentinin əsas prioriteti ABŞ vətəndaşlarının xaricdəki təhlükəsizliyidir.

“Biz Rusiya Federasiyası ərazisində ABŞ vətəndaşlarını təhdid edən təhlükə ilə bağlı ciddi xəbərdarlıqlarımızı təkrar edirik. Rusiya Federasiyasında yaşayan və ya Rusiyaya səyahət edən Amerika vətəndaşları səyahət tövsiyələrində nəzərdə tutulduğu kimi dərhal ölkəni tərk etməlidirlər ",- deyə rəsmi şəxs bildirib.

Blinken qeyd edib ki, onun ofisi amerikalı jurnalistin həbsi ilə bağlı vəziyyətlə bağlı WSJ nümayəndələri ilə əlaqə saxlayır.

 

Tərcümə: Miri Məcidli

 

 

 

Oxu24.com